CTET 2020: परीक्षा केंद्र बदलण्याचा आजचा अखेरचा दिवस

केंद्रीय माध्यमिक शिक्षण मंडळातर्फे (CBSE) घेण्यात येणाऱ्या केंद्रीय शिक्षक पात्रता परीक्षा (CTET) मध्ये उपस्थित असलेल्या उमेदवारांना परीक्षेचे शहर निवडण्याचा गुरुवार २६ नोव्हेंबर २०२० हा शेवटचा दिवस आहे. अलीकडेच, १६ नोव्हेंबर २०२० रोजी बोर्डाने उमेदवारांना त्यांच्या सोयीनुसार परीक्षा केंद्रात बदल करण्यासाठी अर्ज विंडो १७ नोव्हेंबर ते २६ नोव्हेंबर २०२० पर्यंत उघडण्याची घोषणा केली होती. ज्या उमेदवारांनी २०२० मध्ये नोंदणी करतांना निवडलेले परीक्षा शहर बदलण्याची इच्छा आहे, परंतु अद्याप सीटीईटी २०२० परीक्षेचे शहर बदललेले नाही, ते परीक्षेचे पोर्टल वर भेट देऊन त्यांचे परीक्षा केंद्र शहर बदलू शकतात. सीटीईटी 2020 परीक्षेचे शहर पुढीलप्रमाणे बदलता येईल - उमेदवारांनी अर्ज केलेल्या परीक्षेच्या शहरातील परीक्षेच्या पोर्टलला भेट दिल्यानंतर मुख्य पृष्ठावरील 'Exam City Correction' या लिंकवर क्लिक करावे लागेल. यानंतर नव्या पानावर उमेदवारांना त्यांचा अर्ज क्रमांक, पासवर्ड आणि स्क्रीनवर दिलेली सुरक्षा पिन भरून साइन इन करावे लागेल. यानंतर, उमेदवारांना त्यांच्या लॉगिनमध्ये उपलब्ध केलेल्या परीक्षा शहर बदलाशी संबंधित पर्यायाद्वारे परीक्षा शहर बदलता येईल. उमेदवारांनी मागणी केली परीक्षार्थींनी केलेल्या निवेदनांच्या पार्श्वभूमीवर साठी परीक्षा केंद्रात बदल करू देण्याची संधी सीबीएसई उपलब्ध करून दिली आहे. बोर्डाने जारी केलेल्या परिपत्रकानुसार, कोविड -१९ साथीच्या आजारामुळे शहरापासून दूर असल्याने अनेक उमेदवारांनी परीक्षा केंद्रात बदल करू देण्याची मागणी केली होती. सीटीईटी २०२० च्या परीक्षेच्या वेळी सामाजिक अंतर व इतर सुरक्षा नियमांचे पालन करण्यासाठी ही परीक्षा देशभरातील एकूण १३५ शहरांमध्ये घेण्याचे जाहीर करण्यात आले आहे. सीटीईटी २०२० परीक्षा ५ जुलै २०२० रोजी घेण्यात येणार होती, परंतु मंडळाच्या परिपत्रकानुसार, प्रशासकीय कारणास्तव ही परीक्षा पुढे ढकलण्यात येऊन आता ३१ जानेवारी २०२१ रोजी ही परीक्षा घेण्याचे जाहीर करण्यात आले.

from Career News in Marathi: Career News, मराठी Career बातम्या | Maharashtra Times https://ift.tt/3fEjSp0
via IFTTT