AFCAT 2021:एअर फोर्स कॉमन अॅडमिशन टेस्टसाठी अर्ज प्रक्रिया सुरू

AFCAT 2021: भारतीय हवाई दलाने एअर फोर्स कॉमन अॅडमिशन टेस्ट २०२१ (AFCAT 01/2021) साठी अर्ज करण्याची प्रक्रिया सुरू केली आहे. इच्छुक उमेदवार अधिकृत संकेतस्थळ afcat.cdac.in वर भेट देऊ शकतात आणि नोंदणी करू शकतात. ऑनलाइन अर्ज करण्याची अंतिम मुदत ३० डिसेंबर २०२० आहे. उमेदवारांनी पुढील महत्त्वाच्या तारखांकडे द्यावे लक्ष - ऑनलाइन अर्ज सुरू होण्याची तारीख - १ डिसेंबर २०२० ऑनलाइन अर्ज करण्याची अंतिम तारीख ३० डिसेंबर २०२० ऑनलाइन परीक्षेची तारीख - २० फेब्रुवारी आणि २१ फेब्रुवारी २०२१ परीक्षेच्या माध्यमातून निवडलेल्या विद्यार्थ्यांचा कोर्स जानेवारी २०२२ पासून सुरू होईल. उमेदवार अधिकृत संकेतस्थळावर जाऊन विस्तृत तपशील वाचू शकतात. नोटिफिकेशनमध्ये शैक्षणिक पात्रता, वयोमर्यादा, अन्य पात्रता आदि माहिती देण्यात आली आहे. यासोबतच अर्ज करण्यासंबंधीची देखील पूर्ण माहिती नोटिफिकेशन मध्ये उपलब्ध आहे. पुढीलप्रमाणे स्टेप बाय स्टेप करा ऑनलाइन अर्ज - ऑनलाइन अर्ज करण्यासाठी उमेदवारांनी सर्वात आधी अधिकृत संकेतस्थळ afcat.cdac.in वर लॉगइन करावे. - होमपेजवर लॉगइन सेक्शनवर AFCAT 01/2021 Cycle वर क्लिक करा. - आता एक नवं पेज उघडेल. तेथे विचारलेली सर्व माहिती भरा आणि साइन अप करा. - आता तुम्हाला एक पासवर्ड मिळेल. - आता पुन्हा मागच्या पेजवर जा आणि आयडी पासवर्ड टाकून लॉगइन करा. - आता पुढील अर्ज प्रक्रिया पूर्ण करा. परीक्षा शुल्क उमेदवारांना २५० रुपये परीक्षा शुल्क द्यावे लागेल. मात्र सवलत असलेल्या उमेदवारांना परीक्षा शुल्क माफ आहे. अधिक माहितीसाठी अधिकृत संकेतस्थळावर जाऊन अधिसूचना वाचा.

from Career News in Marathi: Career News, मराठी Career बातम्या | Maharashtra Times https://ift.tt/3fRYZXv
via IFTTT