देशात पाच वर्षात इंजिनीअरिंगचे ४२४ कॉलेज बंद

म. टा. प्रतिनिधी, पुणे देशात इंजिनीअरिंग शाखेचे शिक्षण घेण्याला विद्यार्थ्यांचा कल रोडावतच असून, गेल्या पाच वर्षात ४०० पेक्षा अधिक कॉलेज बंद पडले आहेत. त्यामध्ये महाराष्ट्रातील १०७ कॉलेज आहेत. त्यातच यंदा लांबलेल्या इंजिनीअरिंग अभ्यासक्रमांच्या प्रवेश प्रक्रियेमुळे पुढील वर्षी यामध्ये आणखी भर पडणार असल्याचे चित्र आहे. एआयसीटीईने प्रकाशित केलेल्या महितीद्वारे व्यावसायिक शिक्षणाची अवस्था समोर आली आहे. महागडे व्यावसायिक शिक्षण घेऊन अपेक्षित रोजगाराच्या संधी मिळत नसल्याने, विद्यार्थ्यांचा अभ्यासक्रमांना प्रवेश घेण्यासाठी प्रतिसाद घटला आहे. त्यातच २०२०-२१ शैक्षणिक वर्ष आणखी सुरू झाले नसून, विद्यार्थ्यांची शहरात येउन व्यावसायिक शिक्षण घेण्याची मानसिकता होत नसल्याची शैक्षणिक वर्तुळात चर्चा आहे. त्यामुळे यंदा करोनाच्या प्रादुर्भावामुळे बंद होणाऱ्या कॉलेज व तुकड्यांची संख्या वाढण्याची शक्यता अधिक आहे. एआयसीटीईने प्रकाशित केलेल्या माहितीनुसार देशात २०१६-१७ या शैक्षणिक वर्षासाठी इंजिनीअरिंग शाखेचे पदवी, पदव्युतर, पदविका अभासक्रमांचे ६४७४ कॉलेज होते. आता २०२०-२१ या चालू शैक्षणिक वर्षासाठी ही संख्या ६०५० वर आली आहे. त्यामुळे ४२४ कॉलेज बंद झाले. इंजिनीअरिंगच्या शिक्षणाला लागलेली घरघर कायम असतांनाच, दरवर्षी काही कॉलेज नव्याने सुरू होत आहेत. त्यामुळे आगामी काळात विद्यार्थी नसल्याने, बंद पडणाऱ्या कॉलेजांची संख्या वाढण्याची अधिक शक्यता आहे.राज्याचा विचार केल्यास, २०१६-१७ या शैक्षणिक वर्षासाठी ७९५ कॉलेज होते. चालू शैक्षणिक वर्षासाठी ती ६८८ एवढी झाली असून, गेल्या पाच वर्षात एकूण १०७ कॉलेज कमी झाले आहेत. शैक्षणिक वर्ष - कॉलेज संख्या - प्रवेशक्षमता २०१६-१७ - ६४७४ - २९९९१३८ २०१७-१८- ६४४५ - २८७०६८८ २०१८-१९-६२७५- २७११८७८ २०१९-२०- ६१६३ - २५४११५२ २०२०-२१-६०५० - २४४००३० मागणीपेक्षा अधिक कॉलेज सुरू झाल्याचा परिणाम शैक्षणिक संस्थाना प्रवेशासाठी इंजिनीअरिंग कॉलेजांमध्ये अपेक्षित विद्यार्थी मिळाले नाही. त्यातच गेल्या काही वर्षात कॉलेजांची संख्या मागणीपेक्षा अधिक निर्माण झाली. त्यातच ''''ने कॉलेजांना विद्यार्थी, प्राध्यापक, सुविधा आदींची माहिती देणे अनिवार्य केले. त्यामुळे कॉलेजांचे आर्थिक गणित बिघडले. याचा परिणाम म्हणजे काही कॉलेजांनी तुकड्या बंद केल्या; तसेच काही शैक्षणिक संस्थानी कॉलेज बंद केले, अशी माहिती तज्ज्ञांनी दिली आहे.

from Career News in Marathi: Career News, मराठी Career बातम्या | Maharashtra Times https://ift.tt/3m8YARH
via IFTTT