'या' राज्यातील दहावी, बारावी परीक्षा जूनमध्ये होणार

करोनामुळे यावर्षीच्या मार्च महिन्यात देशात लॉकडाऊन पुकारण्यात आला होता. त्याचा या शैक्षणिक वर्षावर परिणाम झाल्याने विलंबाने घेण्याचा निर्णय अनेक राज्यांनी घेतला आहे. महाराष्ट्रातही राज्य मंडळाच्या परीक्षा मे महिन्यापूर्वी होणार नसल्याचे स्पष्ट करण्यात आले आहे. राज्याने मात्र दहावी, बारावी बोर्ड परीक्षा थेट जूनमध्ये आयोजित करण्याचा निर्णय घेण्यात आला आहे. प. बंगालचे शिक्षणमंत्री पार्थ चॅटर्जी यांनी बुधवारी घोषणा केली की राज्यातील दहावी आणि बारावीच्या परीक्षा जूनमध्ये होतील. त्यांनी सांगितले की दहावीच्या परीक्षा आधी होतील आणि त्यानंतर बारावीच्या परीक्षा सुरू होतील. या परीक्षा सर्वसामान्य स्थितीत दरवर्षी फेब्रुवारी आणि मार्च महिन्यांत होतात. तत्पूर्वी केंद्रीय शिक्षणमंत्री डॉ. रमेश पोखरियाल निशंक यांनीही सीबीएसई बोर्ड परीक्षांबाबत महत्त्वपूर्ण घोषणा केली होती. कोविड - १९ स्थितीच्या पार्श्वभूमीवर पुढील वर्षी फेब्रुवारीपर्यंत सीबीएसई बोर्डाच्या दहावी, बारावी परीक्षा होणार नाहीत, असे त्यांनी नुकतेच जाहीर केले आहे. चटर्जी म्हणाले, 'आम्ही प. बंगाल माध्यमिक शिक्षण मंडळ आणि प. बंगाल उच्च शिक्षण परिषदेच्या शिफारशींचा स्वीकार केला आहे. महामारी स्थितीच्या पार्श्वभूमीवर परीक्षा उशिराने घेण्याची शिफारस या मंडळांनी केल आहे. जर स्थिती बदलली तर त्यानुसार निर्णय घेण्यात येईल.'

from Career News in Marathi: Career News, मराठी Career बातम्या | Maharashtra Times https://ift.tt/3aGVkey
via IFTTT