एमबीए, आर्किटेक्‍ट अभ्यासक्रमांची प्रवेश प्रक्रिया आजपासून

म. टा. प्रतिनिधी, मुंबई सहि महिन्यांपूर्वी एमबीए प्रवेश परीक्षांच्या निकालानंतर प्रवेश प्रक्रिया जाहीर होत नव्हती. याविरोधात विद्यार्थ्यांनी टि्वटर आंदोलन सुरू केल्यानंतर अखेर विविध व्यावसायिक अभ्यासक्रमांच्या प्रवेश प्रक्रियेला सुरूवात करण्यात येणार आहे. एमबीए आणि आर्किटेक्‍ट अभ्यासक्रमाची प्रवेश प्रक्रिया ( B. Architecture 2020) आजपासून सुरू होणार आहे. तर इंजिनीअरिंग अभ्यासक्रमाची प्रवेश प्रक्रिया बुधवार पासून सुरू होईल, असे सीईटी सेलमधील (CET Cell) सुत्रांनी सांगितले . यंदा कोरोनामुळे व्यावसायिक अभ्यासक्रमांच्या परीक्षा उशिराने सुरू झाल्या. यामुळे प्रवेश प्रक्रियेला विलंब झाला आहे. व्यावसायिक अभ्यासक्रमांचे निकाल जाहीर केल्यानंतर सीईटी सेलने आता प्रवेश प्रक्रियेला सुरूवात करण्याची तयारी केली आहे. त्यानुसार मंगळवार एमबीए आणि आर्किटेक्‍ट या अभ्यासक्रमांची प्रवेश परीक्षा सुरू होईल. यानंतर सर्वाधिक विद्यार्थी असलेल्या इंजिनीअरिंग प्रवेश प्रक्रियेला सुरूवात होईल. यंदा इंजिनीअरिंग, औषधनिर्माणशास्त्र व कृषी अभ्यासक्रमाच्या सीईटी परीक्षेला तीन लाख ८६ हजार ६०४ विद्यार्थ्यांनी परीक्षा दिली आहे. या परीक्षेचा निकाल जाहीर झाल्यानंतर विद्यार्थ्यांचे लक्ष प्रवेश प्रक्रियेकडे लागले होते. एमबीए परीक्षेचा निकाल मे महिन्यात जाहीर करण्यात आला होता. राज्यभरात असलेल्या सुमारे ३६ हजार जागांसाठी ही प्रवेश पूर्व परीक्षा १४ व १५ मार्च रोजी घेण्यात आली होती. या परीक्षेला राज्यभरातून तब्बल १ लाख १० हजार ६३१ विद्यार्थी बसले होते. हे गुणवत्तेनुसार या विद्यार्थ्यांना ३६ हजार जागांवर प्रवेश दिला जाणार आहे. असे असेल वेळापत्रक ऑनलाइन नोंदणी - ८ ते १३ डिसेंबर कागदपत्र पडताळणी - ८ ते १४ डिसेंबर तात्पुरती गुणवत्ता यादी - १६ डिसेंबर हरकती नोंदवणे - १७ व १८ डिसेंबर अंतिम गुणवत्ता यादी - २० डिसेंबर पहिली सामायिक प्रवेश फेरी - २१ ते २३ डिसेंबर तात्पुरती प्रवेश यादी जाहीर - २६ डिसेंबर हरकती व प्रवेश प्रक्रिया - २७ ते २९ डिसेंबर या कॅप राऊंडसंदर्भातील नोटिफिकेशन वाचण्यासाठी सीईटी कक्षाच्या संकेतस्थळावर जाण्यासाठी

from Career News in Marathi: Career News, मराठी Career बातम्या | Maharashtra Times https://ift.tt/2IoZ4p6
via IFTTT