Engineering Admissions: आतापर्यंत १ लाख १० हजार विद्यार्थ्यांची नोंदणी

म. टा. विशेष प्रतिनिधी, मुंबई सीईटी सेलच्या अखत्यारित असलेल्या सर्वच प्रवेश परीक्षांचे निकाल जाहीर केल्यानंतर पदवी आणि पदव्युत्तर व्यावसायिक अभ्यासक्रमाच्या प्रथम वर्ष प्रवेशासाठी ऑनलाइन अर्ज करण्याची प्रक्रिया सध्या सुरू आहे. इंजिनीअरिंग पदवी प्रवेशासाठी आतापर्यंत १ लाख १० हजार विद्यार्थ्यांनी शुक्रवार दुपारपर्यंत केली आहे. राज्य प्रवेश परीक्षा कक्षाकडून (सीईटी सेल)ने सर्व अभ्यासक्रमांच्या प्रवेशप्रक्रियेचे वेळापत्रक निकाल जाहीर केले. प्रवेश केव्हा सुरू होणार आहेत, याच्या प्रतीक्षेत हजारो विद्यार्थी व पालक होते. या अभ्यासक्रमांची प्रवेशासाठी ऑनलाइन अर्ज संकेतस्थळावरून उपलब्ध करण्यात आले आहेत. करोनाचा काळ आणि प्रवेशाला उशीरा सुरुवात म्हणून कॅप राउंड यंदा कमी केले आहेत मात्र प्रवेशासाठी विद्यार्थ्यांना नुकतीच मुदतवाढ दिली आहे त्यानंतर प्रत्यक्ष कॅप राउंडला सुरुवात होणार आहे. त्याचे वेळापत्रकाही टप्प्याटप्प्याने जाहीर होणार आहे. बीई/बीटेक, एमबीए, एमसीए, बी.फार्मा, हॉटल मॅनेजमेंट अॅण्ड कैटरिंग टेक्नोलॉजी (बीएचएमसीटी) अशा अभ्यासक्रमांना आता विद्यार्थी ओढा दिसत आहे. तब्बल २० अभ्यासक्रमांच्या प्रवेशाची धडपड सुरू आहे. तंत्रशिक्षण संचालनालयाअंतर्गत येणारे ११, उच्च शिक्षण विभागाच्या अंतर्गत ८, फाइन आर्ट १ मेडिकल २, कृषी १ अशा अभ्यासक्रमांचे प्रवेश प्रक्रिया सुरू आहेत. ...असे आले आहेत अर्ज (शुक्रवार दुपारपर्यंत) अभ्यासक्रम आलेले अर्ज अंतिम तारीख एमबीए ४८३९४ -- २० डिसेंबर बीई/टेक ११००६९ -- २२ डिसेंबर बी फार्मसी ७७५६५ -- २१ डिसेंबर बी.आर्च ८०८८ -- २० डिसेंबर डीएसई ५६३७२ -- २१ डिसेंबर एमई/एमटेक ६१११ -- २४ डिसेंबर एमसीए १००८५ -- २३ डिसेंबर एम फार्मा ४५९२ -- २३ डिसेंबर एमआर्च ६४५ -- २३ डिसेंबर

from Career News in Marathi: Career News, मराठी Career बातम्या | Maharashtra Times https://ift.tt/2KiThT4
via IFTTT