FYJC Online 2020: अकरावी प्रवेशांची तिसरी फेरी जाहीर

FYJC Admission 2020: प्रवेशांची तिसरी फेरी शिक्षण संचालनालयाने जाहीर केली आहे. यानुसार तिसरी गुणवत्ता यादी १५ डिसेंबर २०२० रोजी सकाळी ११ वाजता जाहीर होणार आहे. विद्यार्थ्यांना प्रवेश अर्जाच्या भाग १ मध्ये आवश्यकता असल्यास बदल करून घेण्यासाठी आणि नियमित फेरी ३ साठी पसंतीक्रम नोंदवण्यासाठी १२ डिसेंबर पर्यंतचा अवधी आहे. विद्यार्थ्यांनी आपला अर्ज दिलेल्या वेळेत भरून सबमिट करणे गरजेचे आहे. १५ डिसेंबर रोजी जी गुणवत्ता यादी जाहीर होईल, त्यानुसार प्रवेश निश्चित करण्यासाठी विद्यार्थ्यांना १५ डिसेंबर सकाळी ११.३० पासून १८ डिसेंबर सायंकाळी ५ वाजेपर्यंतचा वेळ आहे. अकरावी ऑनलाइन प्रवेशांच्या तिसऱ्या फेरीचे वेळापत्रक पुढीलप्रमाणे - अल्पसंख्याक, इनहाऊस कोट्यातील जागा सरेंडर करण्यासाठी कनिष्ठ महाविद्यालयांना १८ आणि १९ डिसेंबरपर्यंतचा अवधी आहे. त्यानंतर २० डिसेंबर रोजी सकाळी १० वाजता प्रवेशांच्या विशेष फेरीसाठी जागांचा तपशील जाहीर केला जाणार आहे. दरम्यान, अकरावी ऑनलाइन प्रवेशांची दुसरी यादी शनिवारी ५ डिसेंबर रोजी जाहीर झाली. या यादीत मुंबई विभागातील महाविद्यालयांमध्ये सर्व शाखांच्या मिळून एकूण १,४७,०३३ जागा (आरक्षण वगळून) दुसऱ्या फेरीसाठी उपलब्ध होत्या. एकूण १,५८, ८१० विद्यार्थ्यांचे अर्ज आले होते, यापैकी ७६,२३१ विद्यार्थ्यांना दुसऱ्या गुणवत्ता यादीत स्थान मिळाले.

from Career News in Marathi: Career News, मराठी Career बातम्या | Maharashtra Times https://ift.tt/3qHgwGK
via IFTTT