FYJC Online: मुंबईतील ७५ हजार विद्यार्थी प्रवेशाविनाच!

म. टा. विशेष प्रतिनिधी, मुंबई अकरावी प्रवेशाची तिसरी गुणवत्ता यादी मंगळवारी सकाळी जाहीर करण्यात आली. मात्र या यादीनंतरही ८० टक्क्यांपेक्षा जास्त गुण मिळालेल्या विद्यार्थ्यांच्या पदरी निराशाच आली आहे. तर, अद्याप ७५ हजार विद्यार्थी प्रवेश प्रक्रियेच्या बाहेरच आहेत. यामुळे आता आयोजित होणाऱ्या विशेष फेरीकडे सर्वांचे लक्ष लागले आहे. अकरावी ऑनलाइन प्रवेशाची तिसरी गुणवत्ता यादी मंगळवारी सकाळी ११ वाजता जाहीर झाली. या यादीत मुंबई विभागातील कॉलेजांमध्ये सर्व शाखांच्या मिळून एकूण १,१९,१७१ जागा (कोटा वगळून) तिसऱ्या फेरीसाठी उपलब्ध होत्या. यासाठी एकूण १,१६,०८० विद्यार्थ्यांचे अर्ज आले होते, त्यापैकी ४५,४०२ विद्यार्थ्यांना कॉलजचे वाटप करण्यात आले आहे. म्हणजे अर्ज केलेल्या सुमारे ७० हजार ६७८ विद्यार्थ्यांना प्रवेश मिळू शकलेला नाही. या यादीसाठी अर्ज केलेल्या विद्यार्थ्यांपैकी एकूण सहा हजार १७९ विद्यार्थ्यांना पहिल्या पसंतीक्रमाचे कॉलेज मिळाले आहे. दुसऱ्या फेरीनंतर एक लाख १६ हजार विद्यार्थ्यांचे प्रवेश निश्चित झाले आहेत. या विद्यार्थ्यांना आता ज्युनिअर कॉलेजमध्ये जाऊन प्रवेश निश्चित करायचा आहे. तिसऱ्या फेरीनंतरही प्रवेश न मिळालेल्या विद्यार्थ्यांसाठी आता विशेष फेरीचे आयोजन केले जाणार आहे. या फेरीआधी कोट्यातील रिक्त जागा ऑनलाइन प्रक्रियेत वर्ग करण्यात येणार आहेत. यामुळे विशेष फेरीत जास्त विद्यार्थ्यांना प्रवेश मिळू शकतील, अशी अपेक्षा व्यक्त होत आहे. कॉलेजांचे कट ऑफ वाढले शहरातील काही नामांकित कॉलेजांचे कट ऑफ वाढल्याचेही या गुणवत्ता यादीत दिसले आहे. एचआर कॉलेजचा कट ऑफ दुसऱ्या गुणवत्ता यादीत ४७० इतका होता, तो तिसऱ्या गुणवत्ता यादीत ४७१ इतका झाला आहे. तर, केसी कॉलेजचा कला शाखेचा कट ऑफ ४४९ इतका होता, तो ४५१ इतका झाला आहे. वाणिज्य आणि विज्ञान शाखेच्या कट ऑफमध्ये एका गुणाचाही फरक पडलेला नाही. हेही वाचा: दुसऱ्या यादीचे मुंबईतील शाखानिहाय प्रवेश कला : ३,९०८ वाणिज्य : २८,८३९ विज्ञान : १२,४५३ एमसीव्हीसी : २०२ एकूण : ४५,४०२ काही महत्त्वाच्या कॉलेजांचे दुसऱ्या गुणवत्ता यादीचे कट ऑफ (५०० पैकी गुण) एचआर कॉलेज : वाणिज्य - ४७१ केसी कॉलेज : कला - ४५१, वाणिज्य - ४६१, विज्ञान - ४५० जय हिंद कॉलेज : कला - ४६४, वाणिज्य - ४६४, विज्ञान - ४४६ रुईया कॉलेज : कला - ४७०, विज्ञान - ४७१ रुपारेल कॉलेज : कला - ४५१, वाणिज्य - ४६०, विज्ञान - ४५७ साठ्ये कॉलेज : कला - ४२३, वाणिज्य - ४५१, विज्ञान - ४५० डहाणूकर कॉलेज : वाणिज्य - ४५७ भवन्स कॉलेज : कला - ४१०, वाणिज्य - ४४५, विज्ञान - ४३९ मिठीबाई कॉलेज : कला - ४५२, वाणिज्य - ४५८, विज्ञान - ४४२ एनएम कॉलेज : वाणिज्य - ४६८ वझे-केळकर कॉलेज : कला - ४५४, वाणिज्य - ४७०, विज्ञान - ४५४ एमसीसी कॉलेज : कॉमर्स - ४६६ बांदोडकर कॉलेज : विज्ञान - ४६८

from Career News in Marathi: Career News, मराठी Career बातम्या | Maharashtra Times https://ift.tt/2K298FA
via IFTTT