NEET 2020: विद्यार्थ्यांच्या OMR शीट मध्ये गैरप्रकार? NTA ला कोर्टाची नोटीस

NEET 2020: दिल्ली उच्च न्यायालयाने सोमवारी नॅशनल टेस्टिंग एजन्सी, शिक्षण मंत्रालय आणि मेडिकल काऊन्सेलिंग कमिटी () ला नोटीस पाठवली. परीक्षा देणाऱ्या एका विद्यार्थ्यांच्या ओेएमआर शीटमध्ये (OMR Sheet) फेरफार केल्याचा आरोप करणारी एक याचिका दिल्ली उच्च न्यायालयात दाखल झाली आहे. त्यासंदर्भात ही नोटीस पाठवण्यात आली. यासंदर्भात आपली बाजू मांडण्यासाठी एनटीएला ४ जानेवारी २०२१ पर्यंतचा वेळ देण्यात आला आहे. या याचिकेसंदर्भात आपले म्हणणे मांडावे असे या नोटिशीद्वारे संबंधितांना सांगण्यात आले आहे. न्या. जयंत नाथ यांनी ही सुनावणी घेतली. पुढील सुनावणी ८ जानेवारी २०२१ रोजी होणार आहे. ही याचिका १४ विद्यार्थ्यांनी दाखल केली आहे. अॅड. गोपाल शंकरनारायणन आणि अॅड. तन्वी दुबे याचिकाकर्त्यांचे वकील आहेत. या विद्यार्थ्यांच्या NEET 2020 OMR उत्तरपत्रिकांशी छेडछाड करण्यात आली असून ब्लँक OMR, चुकीचे रोल नंबर, अयोग्य बारकोड आणि एकाच विद्यार्थ्याचे दोन वेगवेगळ्या तारखांचे दोन वेगवेगळे स्कोर असे प्रकार घडल्याचा याचिकाकर्त्यांचा आरोप आहे. एनटीएने मूळ ओएमआर शीट उपलब्ध करून द्यावी अशी मागणीही याचिकाकर्त्यांनी केली आहे. शिवाय एनटीएने २७ सप्टेंबर २०२० रोजी जारी केलेली नोटीस रद्द करण्याची याचिकाकर्त्यांची मागणी आहे. या परिपत्रकात आन्सर कीला आव्हान देण्याचं प्रोसिजर देण्यात आलं आहे.

from Career News in Marathi: Career News, मराठी Career बातम्या | Maharashtra Times https://ift.tt/38m7jv8
via IFTTT