Exam Date, Admit Card: रेल्वे भरती बोर्डाची एनटीपीसी भरती परीक्षा २०२० देणाऱ्या उमेदवारांसाठी मोठी बातमी आहे. आरआरबीने एनटीपीसी परीक्षा केंद्र, परीक्षेची तारीख आणि शिफ्टसह अन्य माहितीसाठी ऑनलाइन लिंक अॅक्टिव्ह केली आहे. ज्या उमेदवारांनी या परीक्षेसाठी अर्ज भरले आहेत त्यांनी RRB च्या अधिकृत संकेतस्थळावर www.rrbcdg.gov.in द्वारे तारीख आणि परीक्षा केंद्राबाबतची माहिती जाणून घ्यावी. NTPC पहिल्या टप्प्यातील भरती परीक्षा (CBT) २८ डिसेंबर पासून सुरू होणार आहे आणि जानेवारीपर्यंत सुरू राहणार आहे. उमेदवारांनी हे ध्यानात घ्यावे की परीक्षेसाठी अॅडमिट कार्ड परीक्षेच्या तारखेच्या आधी चार दिवस जारी केले जातील. परीक्षा २८ डिसेंबर ते १३ जानेवारीपर्यंत चालणार आहे. परीक्षा केंद्राची माहिती कशी घ्याल? तारीख आणि परीक्षा केंद्राबाबतची माहिती जाणून घेण्यासाठी सर्वात आधी उमेदवारांनी अधिकृत संकेतस्थळ rrbcdg.gov.in वर जावे. त्यानंतर होमपेजवर दिसणाऱ्या Exam city and Date च्या लिंकवर क्लिक करावे. त्यांनी विचारलेली माहिती भरून लॉगइन करावे. उमेदवारांना आपले परीक्षा केंद्राचे शहर, परीक्षेची तारीख, सत्राची माहिती मिळेल. या पेजचे प्रिंटही घेता येऊ शकेल. पहिल्या टप्प्यात एकूण २३ लाख उमदेवार परीक्षा देणार आहेत.


from Career News in Marathi: Career News, मराठी Career बातम्या | Maharashtra Times https://ift.tt/2WrhOaW
via IFTTT