Syllabus cut, JEE, NEET परीक्षांबद्दल शिक्षणमंत्र्यांचा विद्यार्थ्यांशी संवाद

#EducationMinisterGoesLive: शिक्षणमंत्री डॉ. रमेश पोखरियाल यांनी गुरुवारी विद्यार्थ्यांशी विविध विषयांवर वेबिनारद्वारे संवाद साधला. Syllabus cut, JEE, NEET,CBSE परीक्षांबाबत विद्यार्थ्यांच्या मनात अनेक प्रश्नांचे काहूर गेले काही दिवस माजलेले आहे. या सर्व प्रश्नांची उत्तरे देऊन विद्यार्थ्यांच्या सर्व शंका दूर करण्याचा शिक्षणमंत्र्यांनी प्रयत्न केला. या हॅशटॅगने विद्यार्थ्यांनी शिक्षणमंत्र्यांना प्रश्न विचारले. त्यांनी कोणत्या मुद्द्यांबाबत काय माहिती दिली...वाचा. शाळा कधी उघडणार? शाळा नेमक्या उघडणार तरी कधी हा विद्यार्थ्यांचा कळीचा प्रश्न होता. अनेक विद्यार्थ्यांनी हा प्रश्न विचारला. प्रत्येक राज्यातील कोविड-१९ विषाणू संक्रमणाची स्थिती लक्षात घेऊन ते-ते राज्य शाळा उघडण्याबाबतचा निर्णय घेईल असे ते म्हणाले. आतापर्यंत १७ राज्यांनी शाळा प्रत्यक्ष उघडल्या असल्याची माहिती त्यांनी दिली. JEE चे अटेम्प्ट्स वाढवणार जॉइंट एन्ट्रन्स एक्झाम (JEE) वर्षातून दोन वेळा होते, ती आता तीन ते चार वेळा घेता येईल का याबाबत विचार करत असल्याचे पोखरियाल यांनी सांगितले. NEET ऑफलाइन की ऑनलाइन? नीट परीक्षा ऑफलाइन मोडनेच घ्यायची की ऑनलाइन घ्यायची याबाबत विचारविनिमय सुरू असल्याचे त्यांनी सांगितले. मात्र कोणत्याही परिस्थितीत NEET परीक्षा रद्द होणार नाही, असे शिक्षणमंत्र्यांनी स्पष्ट केले. बोर्ड परीक्षा डॉ. पोखरियाल यांनी हे स्पष्ट केले की बोर्ड परीक्षा आयोजित केल्या जाणार. विद्यार्थ्यांना अभ्यासासाठी पुरेसा वेळ दिला जाणार. करोनाची स्थिती काय असेल, त्यावर अनेक गोष्टी अवलंबून असतील असे ते म्हणाले. National Test Abhyas app ची मोलाची मदत करोना महामारी काळात National Test Abhyas app ची विद्यार्थ्यांना अभ्यासासाठी खूपच मदत झाल्याचे पोखरियाल यांनी सांगितले. नॅशनल टेस्टिंग एजन्सीने विकसित केलेल्या या अॅपच्या मदतीने लाखो विद्यार्थ्यांनी JEE 2020 आणि NEET 2020 परीक्षेचा सराव केल्याची माहिती शिक्षणमंत्र्यांनी दिली.

from Career News in Marathi: Career News, मराठी Career बातम्या | Maharashtra Times https://ift.tt/2K4euzD
via IFTTT