डोंबिवलीची मुले बनवणार उपग्रह!

म. टा. वृत्तसेवा कल्याण : डॉ. ए. पी. जे. अब्दुल कलाम इंटरनॅशनल फाऊंडेशन आणि ''च्या वतीने आयोजित करण्यात आलेल्या स्पेस रिसर्च पेलोड क्युब्ज चॅलेंज, २०२१ स्पर्धेत कल्याण डोंबिवली महापालिकेच्या शाळांमधील १० विद्यार्थ्यांची निवड करण्यात आली आहे. या विद्यार्थ्यांना डॉ. कलाम फाऊंडेशनचे सचिव मिलिंद चौधरी यांनी दत्तक घेतले असून त्यांना प्रशिक्षण दिले जात आहे. १९ जानेवारीला पुण्यातील हडपसर येथील जयवंतराव सावंत अभियांत्रिकी महाविद्यालयात होणाऱ्या बनविण्याच्या प्रकल्पात हे विद्यार्थी सहभागी होणार आहेत. विद्यार्थ्यांमध्ये शालेय जीवनात स्पेस टेक्नोलॉजीबाबत जिज्ञासा निर्माण होऊन भविष्यात स्पेस टेक्नोलॉजीमध्ये विद्यार्थी योगदान देण्यासाठी तयार होतील, या अपेक्षेने डॉ. एपीजे अब्दुल कलाम इंटरनॅशनल फाऊंडेशनने १०० पेलोड उपग्रह बनवून हेलिअम बलून द्वारे अवकाशात नेण्याच्या प्रकल्पात शालेय विद्यार्थ्यांना सहभागी करून घेतले आहे. उपग्रह तयार करण्यापूर्वी स्पेस रिसर्च क्युब्ज प्रकारचा उपग्रह म्हणजे काय, त्याचे विविध भाग कोणते, त्यांचे कार्य कसे चालते, हेलियम बलून म्हणजे काय, उपग्रह बनविण्यासाठी कोणत्या वस्तूंचा वापर करतात, कोणते सेन्सर बसवतात, कोणते सॉफ्टवेअर वापरावे याबाबतची माहिती विद्यार्थ्यांना प्रशिक्षणाद्वारे दिली जात आहे. २५ ते ८० ग्रॅम वजनाचे उपग्रह बनवून ३५ हजार ते ३८ हजार मीटर उंचीवर हाय अल्टिट्युड सायंटिफिक बलूनद्वारे एका केसमध्ये असलेले उपग्रह स्थापित केले जातील. तर त्यातील कॅमेरा, पॅराशूट, जीपीएस ट्रेकिंग सिस्टीम मधून ओझोन, कार्बनडाय ऑक्साइड, हवेची शुद्धता, प्रदूषण, हवेचा दाब आणि इतर माहिती हे उपग्रह पृथ्वीवरील केंद्राला पाठवतील. उपग्रह बनविण्याच्या कृतीची जागतिक पातळीवर नोंद होणार असून सहभागी विद्यार्थ्यांना प्रमाणपत्र दिले जाणार आहेत. पालिकेचे १० विद्यार्थी एकाग्रतेने उपग्रह बनविण्याचे प्रशिक्षण घेत असून लवकरच एखाद्या उपग्रह बनविण्याच्या कामात कल्याण डोंबिवलीचे नाव अभिमानाने घेतले जाईल, असा विश्वास व्यक्त होत आहे.

from Career News in Marathi: Career News, मराठी Career बातम्या | Maharashtra Times https://ift.tt/3oQJ6Ec
via IFTTT