JEE Advanced 2021: बारावीतील ७५ टक्के गुणांची अट रद्द

देशातील लाखो विद्यार्थी ज्या जेईई अॅडव्हान्स्ड परीक्षेची तारीख आणि इंजिनीअरिंग प्रवेशांच्या निकषाची आतुरतेने वाट पाहत होते, त्याची घोषणा केंद्रीय शिक्षणमंत्री डॉ. रमेश पोखरियाल यांनी केली. जेईई अॅडव्हान्स्ड परीक्षा (JEE Advanced Date) ३ जुलै २०२१ रोजी होणार आहे. भारतीय प्रौद्योगिकी संस्था (IIT), एनआयटी (NIT), ट्रिपल आयटी (IIIT) जीएफटीआय (GFTI) मधील इंजिनीअरिंग पदवी अभ्यासक्रमांच्या प्रवेशांसाठी जॉइंट एन्ट्रन्स टेस्ट अॅडव्हान्स्ड २०२१ (JEE Advanced) परीक्षा घेतली जाते. आयआयटी खरगपूर (IIT Kharagpur) ही परीक्षा आयोजित करणार आहे. विशेष म्हणजे, बारावी परीक्षेत ७५ टक्के गुणांच्या अनिवार्यतेची अट यंदा रद्द करण्यात आली आहे. ची वेबसाइट लवकरच लाँच केली जाणार आहे. आयआयटी खरगपूरकडे यंदा या परीक्षेच्या आयोजनाची जबाबदारी आहे. जे विद्यार्थी जेईईची तयारी करत आहेत, त्यांना मोठा दिलासा देणारी घोषणा पोखरियाल यांनी केली आहे. आतापर्यंत देशातील आयआयटींमध्ये अभियांत्रिकी पदवी परीक्षांच्या प्रवेशांसाठी जेईई अॅडव्हान्स्ड (JEE Advanced) परीक्षा उत्तीर्ण होण्यासह बारावीतही किमान ७५ टक्के गुण असणे अनिवार्य होते. यंदा कोविड-१९ महामारी स्थितीमुळे विलंबाने सुरू झालेले शैक्षणिक वर्ष, विलंबाने झालेल्या परीक्षा, विद्यार्थ्यांवरील ताण या सर्व बाबी लक्षात घेऊन ही बारावीतील ७५ टक्के गुणांच्या अनिवार्यतेची अट रद्द करण्यात आली आहे. याव्यतिरिक्त जेईई मेन (JEE Main) परीक्षेच्या रचनेत काय बदल केले आहेत, त्याची घोषणा पोखरियाल यांनी यापू्र्वीच केली आहे. जेईई मेन परीक्षा आता वर्षातून चार वेळा होणार आहे. विद्यार्थी आपल्या सोयीनुसार यापैकी एक किंवा सर्व परीक्षा देऊ शकतात. सर्वाधिक गुण ग्राह्य धरले जाणार आहेत. जेईई मेन परीक्षा देणाऱ्या विद्यार्थ्यांपैकी टॉप २.५० लाख विद्यार्थी जेईई अॅडव्हान्सड (JEE Advanced) परीक्षेसाठी पात्र ठरतात.

from Career News in Marathi: Career News, मराठी Career बातम्या | Maharashtra Times https://ift.tt/3orpPcc
via IFTTT