JEE Main 2021: परीक्षा अर्ज भरण्याची आज अखेरची मुदत

परीक्षेसाठी अर्ज करण्याचा शनिवार १६ जानेवारी हा अखेरचा दिवस आहे. परीक्षेचे आयोजन करणारी नॅशनल टेस्टिंग एजन्सी शनिवारी अॅप्लिकेशन विंडो बंद करणार आहे. ज्या उमेदवारांनी अद्याप २०२१ परीक्षेसाठी अर्ज केलेला नाही ते अधिकृत संकेतस्थळ jeemain.nta.nic.in वर जाऊन ऑनलाइन अर्ज करू शकतात. दरम्यान, टेस्टिंग एजन्सी अर्जात सुधारणा करण्यासाठी मेन अॅप्लिकेशन विंडो १९ जानेवारी २०२१ पासून उघडणार आहे. ज्या विद्यार्थ्यांनी या परीक्षेसाठी अर्ज केले आहेत, ते अर्जांमध्ये काही दुरुस्ती असेल तर त्यांना ती १९ जानेवारी पासून करता येणार आहे. विद्यार्थ्यांनी हे लक्षात घ्यावे की अर्जातील दुरुस्तीसाठी त्यांना ही एकमेव संधी मिळणार आहे. जर अर्जात काही चुकीची माहिती असेल, तर त्यांचा अर्ज बाद होऊ शकतो. जेईई मेन परीक्षा २०२१ चार सत्रात आयोजित करण्यात येणार आहे. मार्च, एप्रिल आणि मे मध्ये परीक्षा होणार आहे. ज्या उमेदवारांना यापैकी एक किंवा अधिक वेळा परीक्षा द्यायची आहे त्यांना ती देता येणार आहे. त्यांचे सर्वोत्तम गुण ग्राह्य धरले जाणार आहेत. JEE Main परीक्षेचे पहिले सत्र फेब्रुवारी महिन्यात, दुसरे सत्र मार्च, तिसरे एप्रिल आणि चौथे सत्र मे महिन्यात होईल. पॅटर्नमध्ये बदल विविध राज्यांनी बारावी बोर्ड परीक्षांच्या अभ्यासक्रम कपातीबाबत वेगवेगळे निर्णय घेतले होते. त्यामुळे या सामायिक परीक्षेत नेमके कोणत्या अभ्यासक्रमावर आधारित प्रश्न विचारले जाणार याबाबत विद्यार्थ्यांच्या मनात साशंकता होती. तीही दूर करण्यात आली आहे. प्रश्नपत्रिकेत एकूण ९० प्रश्न विचारले जातील, त्यापैकी ७५ प्रश्नांचीच उत्तरे विद्यार्थ्यांना द्यायची आहेत. त्यामुळे या ९० प्रश्नांमध्ये सर्व प्रकारचा अभ्यासक्रम कव्हर केला जाणार आहे. शिवाय १५ वैकल्पिक प्रश्नांमध्ये नकारात्मक गुणही नसणार आहेत. १३ भाषांमध्ये होणार परीक्षा देशात पहिल्यांदाच जेईई मेन परीक्षा १३ भाषांमध्ये आयोजित केली जाणार आहे. इंग्रजीसह हिंदी, मराठी, बंगाली, आसामी, मल्याळम, गुजराती, कन्नड, उडिया, पंजाबी, तमीळ, तेलगु, उर्दू या भाषांचा समावेश करण्यात आला आहे.

from Career News in Marathi: Career News, मराठी Career बातम्या | Maharashtra Times https://ift.tt/35J4zr2
via IFTTT