Exim बँकेत अधिकारी पदासाठी भरती; आजच करा अर्ज

Recruitment 2021: भारताच्या एक्स्पोर्ट-इम्पोर्ट बँकेत सरकारी नोकरीची संधी चालून आली आहे. इंडिया एक्झिम बँकेने विविध विभागांमध्ये तज्ञ अधिकारी भरतीसाठी जाहिरात प्रसिद्ध केली आहे. बँकेने नुकतीच eximbankindia.in या अधिकृत संकेतस्थळावर जाहीर केलेल्या भरती जाहिरातीनुसार, कॉम्लायंस, इंफॉर्मेशन – टेक्नोलॉजी, ह्यूमन रिसोर्स, लॉ, रिकवरी, अकाउंट्स तसेच टॅक्सेशन विभागातील तज्ञ अधिकारी पदाच्या जागांवर भरती केली जाणार आहे. या कंत्राटी भरतीसाठी पात्र उमेदवारांकडून अर्ज मागवले आहेत. इच्छुक उमेदवारांनी बँकेच्या संकेतस्थळावरून अर्ज घेऊन ऑफलाइन अर्ज करायचे आहेत. १७ फेब्रुवारी २०२१ उपलब्ध केलेले अर्ज डाऊनलोड करून ऑफलाइन अर्ज करता येतील. अर्ज सादर करण्याची अंतिम तारीख ५ मार्च २०२१ आहे. पात्रतेचे निकष अर्ज करू इच्छिणाऱ्या इच्छुक उमेदवार किमान ५०/६० टक्के गुणांसह पदवी / पदव्युत्तर पदवीधर असणे अनिवार्य आहे. (रिक्त जागांनुसार विविध प्रकारची पात्रता आणि अनुभव आवश्यक आहे.) अधिक माहितीसाठी एक्झिम बँक तज्ञ अधिकारी भरती जाहिरात पाहा. अर्ज कसा करावा उमेदवार बँकेच्या संकेतस्थळाच्या करिअर विभागात दिलेल्या लिंकवरून किंवा पुढे दिलेल्या थेट लिंकवरून अर्ज डाउनलोड करू शकतात. अर्ज संपूर्ण भरा आणि मागणी केलेल्या कागदपत्रांच्या साक्षांकित प्रतींसह ५ मार्च २०२१ पर्यंत जाहिरातीत दिलेल्या पत्त्यावर पाठवा. उमेदवारांनी नोंद घ्यावी की त्यांना अर्जासह ७५० रुपयांचा डिमांड ड्राफ्ट जोडायचा आहे. अनुसूचित जाती आणि महिला उमेदवारांना केवळ १०० रुपयांचा डीडी जोडणे आवश्यक आहे. डिमांड ड्राफ्ट इंडिया एक्सपोर्ट-इम्पोर्ट बँक ऑफ इंडियाच्या नावे देय असावा.

from Career News in Marathi: Career News, मराठी Career बातम्या | Maharashtra Times https://ift.tt/3s0lBcV
via IFTTT