RBI मध्ये मॅनेजरसह अन्य पदांवर भरती; वेतन दरमहा ७७ हजारांवर

Vacancy: रिझर्व्ह बँक ऑफ इंडियामध्ये (RBI) नॉन-सीएसजी पदांवर भरती सुरू करण्यात आली आहे. या पदांवरील वेतनश्रेणी दरमहा पगार ७७,२०८ रुपये असेल. ज्या उमेदवारांना बँकेतील नोकरी हवी आहे त्यांच्यासाठी ही एक उत्तम संधी आहे. या भरतीसाठी रिझर्व्ह बँकेने अधिसूचना जारी केली आहे. पदांची माहिती, अधिसूचना आणि ऑनलाइन अर्जाच्या लिंकचा तपशील पुढे देण्यात येत आहे. रिक्त पदांचा तपशील लीगल ऑफिसर (ग्रेड-बी) - ११ पदे (वेतनश्रेणी दरमहा ७७,२०८ रुपये) व्यवस्थापक (टेक्निकल-सिव्हिल) - ०१ पद (वेतनश्रेणी दरमहा ७७,२०८ रुपये) असिस्टंट मॅनेजर (राजभाषा) - १२ पदे (वेतनश्रेणी दरमहा ६३,१७२ रुपये) असिस्टंट मॅनेजर (प्रोटोकॉल व सुरक्षा) - ०५ पदे (वेतनश्रेणी दरमहा ६३,१७२ रुपये) एकूण पदांची संख्या - २९ अर्जाचा तपशील या रिक्त जागांसाठी ऑनलाइन अर्ज करायचा आहे. आरबीआयच्या rbi.org.in या अधिकृत संकेतस्थळावर भेट द्यावी लागेल. ऑनलाइन अर्जाची लिंक २३ फेब्रुवारी २०२१ पासून अॅक्टिव्ह होत आहे. अर्ज करण्याची अंतिम मुदत १० मार्च २०२१ पर्यंत अर्ज करू शकाल. सर्वसाधारण, ओबीसी प्रवर्गांसाठी ६०० रुपये तर एससी एसटी प्रवर्गांसाठी १०० रुपये इतके अर्जांचे शुल्क आहे. आवश्यक पात्रता लीगल ऑफिसर - कायद्याची पदवी आणि दोन वर्षांचा कामकाजाचा अनुभव. वयोमर्यादा २१ ते २३ वर्षे. मॅनेजर (टेक्निकल) - सिव्हिल इंजिनिअरिंगमधील बॅचलर डिग्री आणि तीन वर्षांचा कामाचा अनुभव. वयोमर्यादा २१ ते ३५ वर्षे. असिस्टंट मॅनेजर (राजभाषा) - हिंदी किंवा हिंदी अनुवादात पदव्युत्तर पदवी. इंग्रजी विषयात पदवीपर्यंतचे शिक्षण. वयोमर्यादा २१ ते ३० वर्षे. सहाय्यक व्यवस्थापक (प्रोटोकॉल आणि सुरक्षा) - सैन्य (Army), नौदल (Navy) किंवा हवाई दलात (Air Force) कमीतकमी ५ वर्षे अधिकारी दर्जाची सेवा केलेली असणे आवश्यक आहे. निवड लेखी परीक्षा व मुलाखतीच्या आधारे निवड केली जाईल. लेखी चाचणी १० एप्रिल २०२१ रोजी घेण्यात येईल.

from Career News in Marathi: Career News, मराठी Career बातम्या | Maharashtra Times https://ift.tt/3pwokZZ
via IFTTT