SBI PO Mains 2020 परीक्षेचा निकाल जाहीर

SBI PO Mains Result 2020: स्टेट बँक ऑफ इंडियाने (SBI) प्रोबेशनरी ऑफिसरच्या पदांवर भरतीसाठी निवड प्रक्रियेचा भाग म्हणून दुसर्‍या टप्प्यातील मुख्य परीक्षेचा निकाल जाहीर केला आहे. एसबीआय पीओ मुख्य परीक्षेस बसलेले उमेदवार मंगळवारी १६ फेब्रुवारी २०२१ रोजी बँकेने जाहीर केलेला निकाल sbi.co.in या अधिकृत वेबसाइटवर तपासू शकतात. बँकेद्वारे पीओ मेन परीक्षा निकाल २०२० च्या घोषणेअंतर्गत निवड प्रक्रियेच्या तिसऱ्या टप्प्यासाठी म्हणजेच मुलाखतींसाठी मुख्य परीक्षेच्या आधारे शॉर्टलिस्ट केलेल्या उमेदवारांची यादी जारी करण्यात आली आहे. उमेदवार आपला रोल नंबर बँकेद्वारे जारी केलेल्या यादीत पाहू शकतात. या वृत्ताच्या अखेरीस या निकालाची थेट लिंकही देण्यात आली आहे. पीओ मुख्य परीक्षा २०२० एसबीआय द्वारे ३१ जानेवारी २०२१ रोजी आयोजित करण्यात आली होती. कसा पाहाल निकाल? - एसबीआय पीओ परीक्षा २०२० अंतर्गत दुसऱ्या टप्प्यातील मुख्य परीक्षेत सहभागी घेतलेले उमेदवार त्यांचा रोल नंबर तपासण्यासाठी बँकेच्या वेबसाइटवर भेट देऊ शकतात. - त्यानंतर, करिअरच्या लिंकवर क्लिक करा आणि संबंधित पेजवर जा. - यानंतर पीओ भरती संबंधित विभागातील पीओ मुख्य परीक्षेच्या निकालाच्या लिंकवर क्लिक करा. - यानंतर निवडलेल्या उमेदवारांची यादी पीडीएफ स्वरूपात उघडेल. या पीडीएफ फाईलमध्ये उमेदवार त्यांचा रोल नंबर शोधू शकतात. भारतीय स्टेट बँकेने (SBI) ने १४ नोव्हेंबर २०२० रोजी बँकेच्या देशभरातील शाखांमध्ये 2000 प्रोबेशनरी ऑफिसर पदांच्या भरतीसाठी अधिसूचना जारी केली होती. अर्जाची प्रक्रिया ४ डिसेंबर रोजी संपली. पूर्व परीक्षेचा पहिला टप्पा ३१ डिसेंबर २०२० रोजी आणि जानेवारी २०२१ मध्ये २, ४ आणि ५ या तारखांना घेण्यात आला. यानंतर १९ जानेवारीला प्रिलिम्सचा निकाल जाहीर झाला. पूर्व परीक्षेत यशस्वी घोषित झालेल्या उमेदवारांची मुख्य परीक्षा ३१ जानेवारी रोजी घेण्यात आली. यानंतर १६ फेब्रुवारी रोजी निकाल जाहीर झाला.

from Career News in Marathi: Career News, मराठी Career बातम्या | Maharashtra Times https://ift.tt/3qtncb2
via IFTTT