करोना इफेक्ट: फ्रीलान्स नोकऱ्यांमध्ये झाली २२ टक्के वाढ

करोना महामारीच्या संकटामुळे २०२० मध्ये हजारो लोकांच्या गेल्या. परिस्थिती अनेकांच्या हाताबाहेर गेली. काहींनी यातून मार्ग काढत आर्थिक कमाईचे वेगवेगळे पर्याय शोधले. नवे लहान लहान उद्योगधंदेही सुरू केले. दुसरीकडे काही जणांनी फुलटाइम नोकरीला रामराम ठोकला आणि फ्रीलान्स जॉब सुरू केले, काहींना अचानक नोकरी गेल्यामुळे या फ्रीलान्सच्या मार्गावल वळावे लागले. कारणे वेगवेगळी असली तरी फ्रिलान्सिंग जॉब मार्केटमध्ये वाढले हे निश्चित. एका ऑनलाइन जॉब पोर्टलच्या सर्वेक्षणातून देखील ही बाब समोर आली आहे. या सर्वेक्षणाच्या मते, फ्रीलान्स जॉबच्या क्षेत्रात देशात २२ टक्के वाढ झाली आहे. जानेवार २०१९ च्या तुलनेत जानेवारी २०२० मध्ये फ्रिलान्सिंग जॉबमध्ये २२ टक्के वाढ पाहायला मिळाली. जानेवारी २०२१ मध्ये फ्रीलान्सिंग जॉबमध्ये फ्रिलान्सिंग लेखकांना सर्वाधिक मागणी होती. यानंतर फ्रीलान्स डिझायनर, रिक्रूटर, डेव्हलपर आणि डिजीटल मार्केटरचा समावेश होता. बिझनेस डेव्हलपमेंट एक्झिक्युटिव्ह आणि पीएचपी डेव्हलपर हे देखील भारतातील टॉप १० फ्रीलान्स नोकऱ्यांमध्ये आघाडीवर होते. या व्यतिरिक्त सोशल नेटवर्किंग जॉब प्लॅटफॉर्म लिंक्डइनच्या सर्व्हेनुसार, २०२१ मध्ये पुढील प्रकारच्या फ्रीलान्स जॉब्सना मागणी असणार आहे - फ्रीलांस कंटेंट क्रिएटर्स, सोशल मीडिया मार्केटिंग आणि डिजिटल मार्केर्टिंग, सायबर सिक्युरिटी याशिवाय, स्पेशलाइज्ड इंजीनियरिंग आदी क्षेत्रातील कामे. करोना काळात जगभर बहुतांश कंपन्यांनी आपल्या कर्मचाऱ्यांना 'वर्क फ्रॉम होम' ची मुभा दिली. अशा प्रकारच्या नव्या जॉब कल्चरमुळे देखील फ्रीलान्स जॉबचे महत्त्व वाढले.

from Career News in Marathi: Career News, मराठी Career बातम्या | Maharashtra Times https://ift.tt/3vnRcaY
via IFTTT