IBPS PO आणि मॅनेजमेंट भरती मुख्य परीक्षेचे स्कोअर कार्ड जारी

इन्स्टिट्यूट ऑफ बँकिंग पर्सनेल सिलेक्शन बोर्डाने (IBPS) सोमवारी मुख्य परीक्षेचे स्कोअरकार्ड जारी केले. ही परीक्षा प्रोबेशनरी ऑफिसर / मॅनेजमेंट ट्रेनी पदांसाठी घेण्यात आली होती. ज्या उमेदवारांनी ही परीक्षा दिली होती, ते ibps.in या अधिकृत संकेतस्थळावरून स्कोअर कार्ड डाऊनलोड करू शकतात. या संकेतस्थळावर ३० मार्च २०२१ पर्यंत निकाल उपलब्ध राहणार आहे. IBPS PO आणि मॅनेजमेंट भरती प्रक्रियेला ४ ऑगस्ट २०२० पासून सुरू झाली आहे. एकूण १४१७ पदे या भरती प्रक्रियेद्वारे भरण्यात येणार आहेत. उमेदवारांचे इंटरव्ह्यू लेटर २५ फेब्रुवारी रोजी जारी करण्यात आले होते. ५ ऑगस्टपासून या भरतीसाठी अर्ज प्रक्रियेला सुरुवात झाली. ३ ते ११ ऑक्टोबर २०२० पूर्व परीक्षआ होती. मुख्य परीक्षा ४ फेब्रुवारी २०२१ रोजी आयोजित करण्यात आली होती. उमेदवार त्यांचे IBPS PO निकाल अधिकृत संकेतस्थळावर पाहू शकतात किंवा या वृत्तात निकालाची थेट लिंकही देण्यात आली आहे. उमेदवारांनी त्यांचा रजिस्ट्रेशन क्रमांक आणि पासवर्ड देऊन या संकेस्थळांवर लॉग इन करयचे आहे. जे उमेदवार मुख्य परीक्षेत यशस्वी झाले आहेत, त्यांना मुलाखतींना सामोरे जावे लागेल. पुढील पद्धतीने स्कोर कार्ड डाऊनलोड करा - - सर्वात आधी अधिकृत वेबसाइट ibps.in वर जा. - होम पेज वर नोटिफिकेशन सेक्शन मध्ये ‘CRP-PO/MT-X – Recruitment of Probationary Officers/ Management Trainees’ लिंक वर क्लिक करा. - आपला Registration No / Roll No आणि पासवर्ड किंवा जन्मतारीख आदी माहिती भरून लॉगइन करा. - लॉगइन करताच स्कोअर कार्ड स्क्रीनवर दिसू लागेल. - स्कोअर कार्ड डाउनलोड करा आणि भविष्यातील संदर्भासाठी प्रिंट आऊट घेऊन ठेवा.

from Career News in Marathi: Career News, मराठी Career बातम्या | Maharashtra Times https://ift.tt/3tLb71X
via IFTTT