CBSE Board Exam 2021: सीबीएसईने जारी केल्या नमुना प्रश्नपत्रिका

Board Exam 2021 : केंद्रीय माध्यमिक शिक्षण मंडळाने (CBSE) ने इयत्ता दहावी आणि बारावी परीक्षा 2021 च्या नमुना प्रश्नपत्रिका जारी केल्या आहेत. दहावी आणि बारावीचे विद्यार्थी बोर्डाच्या अधिकृत संकेतस्थळावर जाऊन आपल्या सर्व विषयांच्या नमुना प्रश्नपत्रिका डाऊनलोड करु शकतात. बोर्डाने मार्किंग स्कीम (CBSE marking schemes) सह सॅम्पल पेपर्स आपल्या शैक्षणिक अधिकृत वेबसाइट cbseacademy.nic.in वर अपलोड केले आहेत. दहावी आणि बारावीचे सँपल पेपर्स डाउनलोड करण्याची पद्धत आणि थेट लिंक पुढे देत आहोत. CBSE Board Exam 2021 Sample Papers: असे करा डाउनलोड १) सीबीएससीच्या वेबसाइट www.cbse.gov.in वर जा. २) होमपेज वर, 'अकॅडमिक वेबसाइट' लिंक वर क्लिक करा. ३) नवीन पेज उघडेल, मेन्यू मध्ये 'Sample Question Paper' सेक्शन वर जा. ४) येथे 'SQP 2020-2021' आणि दहावी, बारावी इयत्तांची निवड करा. ५) नव्या पेज वर, विषयवार सॅम्पल पेपर्स आणि मार्किंग स्कीम लिंक दिसेल. ६) आपल्या विषयाच्या लिंकवर क्लिक करा, पीडीएफ उघडेल. ७) नमुना प्रश्नपत्रिक डाऊनलोड करा आणि हार्ड कॉपी साठी प्रिंट आउट घेऊन ठेवा. सीबीएसई बोर्ड दहावी, बारावी परीक्षांच्या तारखा बोर्ड द्वारे जारी केलेल्या (CBSE Exam Revised Date Sheet 2021) डेट शीटनुसार, सीबीएसई बोर्डाच्या इयत्ता दहावी आणि बारावीच्या बोर्ड परीक्षा ४ मे पासून सुरू होणार आहेत. दहावीच्या परीक्षा ७ जून आणि बारावीच्या परीक्षा १४ जून रोजी संपणार आहेत. हे विद्यार्थी नंतर देऊ शकतील परीक्षा बोर्ड द्वारे जारी मार्गदर्शक तत्त्वांनुसार, बोर्ड परीक्षेसाठी उपस्थित होण्यासाठी विद्यार्थी जर करोना वायरस (COVID-19) पॉझिटिव्ही असतील तर त्यांच्या परीक्षा नंतर आयोजित करण्यात येतील. विद्यार्थ्यांना आपल्या शाळेत नंतर परीक्षांसाठी पुन्हा अर्ज करावा लागेल. यासाठी शाळांनी सीबीएसईच्या प्रादेशिक केंद्राकडे अशा प्रकरणाची नोंद ११ जूनपर्यंत जमा करायची आहे.

from Career News in Marathi: Career News, मराठी Career बातम्या | Maharashtra Times https://ift.tt/3t1vZlP
via IFTTT