ICAI CA Exam 2021: करोना काळात सीए परीक्षा होणार का? ३० एप्रिलपर्यंत निर्णय

CA Exam 2021: सीए परीक्षा आयोजित करणारी संस्था ‘द इन्स्टिट्यूट ऑफ चार्टर्ड अकाउंटंट्स ऑफ इंडिया’ (आयसीएआय) द्वारे चार्टर्ड अकाउंटंटसीच्या फाउंडेशन, इंटरमीडिएट (ओल्ड स्कीम), इंटरमीडिएट (न्यू स्कीम) आणि फायनल (ओल्ड और न्यू स्कीम) च्या मे २०२१ परीक्षा सत्रातील परीक्षांसाठी महत्वपूर्ण अपडेट जारी केले आहे. यानुसार मे आणि जून २०२१ या दोन महिन्यांमध्ये सीएच्या विविध कोर्सेसच्या ज्या परीक्षा नियोजित आहेत, त्या देशातील कोविड - १९ महामारीच्या दुसऱ्या लाटेदरम्यान आयोजित करायच्या वा नाही याबाबतच्या निर्णय या महिन्याच्या अखेरपर्यंत घेण्यात येणार आहे. आयसीएआयच्या व्यवस्थापन समितीचे अध्यक्ष धीरज खंडेलवाल यांनी गुरुवारी २२ एप्रिल २०२१ रोजी ट्विट करत सांगितले की, 'परीक्षांच्या आयोजनासंबंधी मला खूप प्रश्न विचारले जात आहेत. मी तुम्हाला सांगू इच्छितो की ICAI आणि परीक्षा समिती वर्तमान महामारीची परिस्थिती जाणून आहे आणि या महिन्याअखेरपर्यंत याबाबत योग्य निर्णय घेण्यात येईल. तोपर्यंत तुमचा अभ्यास सुरू ठेवा.' सीए फाउंडेशन जून २०२१ परीक्षांची नोंदणी ४ मे पर्यंत दरम्यान सीए फाउंडेशनच्या विद्यार्थ्यांनी हे ध्यानात घ्यावे की २४, २६, २८ आणि ३० जून रोजी होणाऱ्या प्रस्तावित फाउंडेशन कोर्स परीक्षांसाठी रजिस्ट्रेशन प्रक्रिया सुर आहे आणि यासाठी अंतिम मुदत ४ मेपर्यंत आहे. ज्या उमेदवारांनी सीए फाऊंडेशन परीक्षा २०२१ साठी अद्याप नोंदणी केलेली नाही ते संस्थेची अधिकृत वेबसाइट, icaiexam.icai.org वर आपला परीक्षा अर्ज ऑनलाइन सबमिट करू शकतात. आयसीएआयद्वारे आधी केलेल्या घोषणेनुसार, सीए इंटरमीडिएट परीक्षा २२ मे २०२१ पासून आणि अंतिम कोर्स परीक्षा २१ मे पासून सुरू होणार होत्या. सीए फाउंडेशनचे पेपर दोन शिफ्टमध्ये होणार आहेत आणि हिंदी, इंग्रजी भाषा माध्यम असतील.

from Career News in Marathi: Career News, मराठी Career बातम्या | Maharashtra Times https://ift.tt/3axkJGH
via IFTTT