MUHS च्या हिवाळी सत्र मेडिकल यूजी परीक्षा १९ एप्रिलपासून

महाराष्ट्र आरोग्य विज्ञान विद्यापीठाने () ने २०२० हिवाळी सत्र परीक्षेच्या (Winter session ) सुधारित तारखा जाहीर केल्या आहेत. पहिल्या, दुसऱ्या आणि तिसऱ्या यूजी अभ्यासक्रमांसाठी या परीक्षा होत आहेत. या परीक्षा २३ मार्चपासून होणार होत्या, पण त्या लांबणीवर पडल्या होत्या. आता १९ एप्रिलपासून या परीक्षा सुरू असून १२ मे पर्यंत सुरू राहणार आहेत. MBBS, BDS, BAMS, BHMS अभ्यासक्रमांच्या प्रथम, द्वितिय आणि तृतीय वर्षांच्या परीक्षांसाठी महाराष्ट्र आरोग्य विज्ञान विद्यापीठाने तयारी सुरू केली आहे. महाराष्ट्र आरोग्य विज्ञान विद्यापीठाशी संलग्न शासकीय आणि खासगी महाविद्यालयांमधील सुमारे ४५ हजारांवर विद्यार्थी या परीक्षा देणार आहेत. तांत्रिक कारणांमुळे या परीक्षा लांबणीवर पडल्या होत्या. विद्यापीठाने असेही कळवले आहे की मॉडर्न मेडिसीनच्या प्रमाणपत्र अभ्यासक्रमांच्या आणि एमबीबीएसच्या पहिल्या वर्षाच्या परीक्षा अनुक्रमे ३ मे ते ५ मे आणि ३ मे ते १५ मे या कालावधीत होणार आहेत. विद्यापीठाचे परीक्षा नियंत्रक अजित पाठक म्हणाले की आधीच्या परीक्षांप्रमाणेच, या परीक्षा देखील कोविड-१९ गाईडलाइन्सनुसार, सर्व आरोग्यविषयक खबरदारीसह होतील. परीक्षक आणि पर्यवेक्षकांनी कोविडसंदर्भातील गाईडलाइन्सचे काटेकोरपणे पालन करायचे आहे. विद्यार्थ्यांनी परीक्षांसदर्भातील सोशल मीडियावरील कोणत्याही प्रकारच्या अफवांवर विश्वास ठेवू नये. सर्व प्रकारच्या अद्ययावत माहितीसाठी विद्यापीठाच्या संकेतस्थळाला नियमितपणे भेट द्यावी, असे आवाहनही पाठक यांनी केले आहे.

from Career News in Marathi: Career News, मराठी Career बातम्या | Maharashtra Times https://ift.tt/3s34YNz
via IFTTT