मुंबई विद्यापीठाच्या पदवीच्या अंतिम वर्ष परीक्षा गुरुवारपासून

मुंबई विद्यापीठाच्या २०२०-२१ या शैक्षणिक वर्षाच्या कला, वाणिज्य व विज्ञान विद्याशाखेच्या पदवीच्या अंतिम वर्षाच्या सत्र ६ च्या परीक्षेस गुरुवार ६ मे पासून ऑनलाइन पद्धतीने सुरुवात होत आहे. ही परीक्षा २१ मे पर्यंत चालणार आहे. ही परीक्षा ४५० पेक्षा जास्त महाविद्यालये घेत असून पदवीच्या अंतिम वर्षाचे दिड लाखापेक्षा जास्त विद्यार्थी ही परीक्षा देणार आहेत. या परीक्षेसाठी सर्व महाविद्यालये सज्ज झाली आहेत. मुंबई विद्यापीठाने करोना साथीच्या पार्श्वभूमीवर २०२०-२१ या शैक्षणिक वर्षातील परीक्षेचे नियोजन व्यवस्थित केल्यामुळे हिवाळी सत्राच्या अंतिम वर्ष सत्र ५ च्या परीक्षा डिसेंबर - जानेवारी दरम्यान घेण्यात आल्या. या परीक्षेचा निकाल फेब्रुवारी-मार्चच्या दरम्यान जाहीर झाला. यामुळे विद्यापीठाने अंतिम वर्षाच्या सत्र ६ च्या परीक्षा मे २०२१ मध्ये घेण्याचा निर्णय घेण्यात आला. यानुसार या परीक्षा होत आहेत. या परीक्षा महाविद्यालये स्वतंत्रपणे त्यांच्या वेळापत्रकानुसार ६ ते २१ मे २०२१ दरम्यान घेणार आहेत. अंतिम वर्षाच्या ४५ परीक्षा पदवीच्या अंतिम वर्षाच्या सत्र ६ च्या बीए, बीकॉम, बीएस्सी, बीएमएस, बीएमएम, बीकॉम अकाउंट अँड फायनान्स, बीकॉम बँकिंग अँड इन्शुरन्स, बीकॉम फिनान्शियल मार्केट, बीएस्सी बायोटेक्नॉलॉजी, बीएस्सी काम्प्युटर सायन्स, बीएस्सी आयटी, बीएस्सी हॉस्पिटॅलिटी स्टडीज यासह मानव्य, वाणिज्य, विज्ञान व आंतरशाखीय विद्याशाखेच्या एकूण ४५ परीक्षा आजपासून सुरु होत आहेत. परीक्षेस अंतिम वर्षाचे १,५५,१५५ विद्यार्थी बीकॉम सत्र ६ या परीक्षेत सर्वाधिक म्हणजे ६८,१०१, बीएमएसमध्ये १६,५०१, बीएमध्ये १४,५९२, बीएस्सी १०,७७०, बीकॉम अकाउंट अँड फायनान्समध्ये १०,२५१, बीएस्सी आयटीमध्ये ९७२० यासह बीएमएम, बीकॉम बँकिंग अँड इन्शुरन्स,बीकॉम फिनान्शियल मार्केट, बीएस्सी बायोटेक्नॉलॉजी, बीएस्सी काम्प्युटर सायन्स, बीएस्सी हॉस्पिटॅलिटी स्टडीज व इतर विविध विद्याशाखेच्या अंतिम वर्षाच्या ४५ परीक्षेमध्ये १ लाख ५५ हजार १५५ विद्यार्थी परीक्षेमध्ये बसत आहेत. ९४ समूह व ४५० महाविद्यालये परीक्षेच्या आयोजनासाठी विद्यापीठाने सर्व विद्याशाखांच्या महाविद्यालयाचे समूह तयार केलेले आहेत. प्रत्येक क्लस्टरमधील एका महाविद्यालयास लीड महाविद्यालय म्हणून हि जबाबदारी दिलेली आहे . अशा ९४ लीड महाविद्यालयावर हि जबाबदारी सोपवली आहे. पदवीच्या अंतिम वर्षाच्या या परीक्षा मुंबई विद्यापीठातील ९४ समूह ( Cluster ) महाविद्यालयाद्वारे ४५० पेक्षा जास्त महाविद्यालयात ऑनलाईन पद्धतीने होत आहेत. १५ एप्रिल ते ५ मे २०२१ दरम्यान प्रथम व द्वितीय वर्षाच्या सत्र २ ते ४ या नियमित ( Fresh ) व सत्र १ व ३ च्या पुनर्परीक्षार्थी ( Backlog ) च्या परीक्षा यशस्वीरीत्या महाविद्यालयात ऑनलाईन पद्धतीने संपन्न झाल्या. या उन्हाळी सत्रामध्ये विद्यापीठ चार विद्याशाखेमधून ५०० पेक्षा जास्त परीक्षा घेत असून, त्यातील अंतिम वर्षाच्या परीक्षा महाविद्यालयामार्फत ऑनलाईन पद्धतीने घेतल्या जात आहेत. या उन्हाळी सत्राच्या परीक्षेसाठी विद्यापीठाचा परीक्षा विभाग सज्ज झाला आहे. असे परीक्षा व मूल्यमापन मंडळाचे संचालक डॉ. विनोद पाटील यांनी सांगितले. अंतिम वर्ष सत्र ६ च्या परीक्षेस असलेली विद्यार्थी संख्या परीक्षा -- विद्यार्थी संख्या बीकॉम B.Com -- ६८,१०१ बीएमएस BMS -- १६,५०१ बीए BA -- १४,५९२ बीएस्सी B.Sc -- १०,७७० बीकॉम अकाउंट अँड फायनान्स B.Com A & F -- १०,२५१ बीएस्सी आयटी BSc IT -- ९७२० बीकॉम बँकिंग अँड इन्शुरन्स B.Com B & I -- ५७४६ बीएमएम BMM -- ५१९१ बीएस्सी काम्प्युटर सायन्स B.Sc CS -- ३७७७ बीएस्सी हॉस्पिटॅलिटी स्टडीज BSc Hospitality Studies -- ३०२७ बीकॉम फिनान्शियल मार्केट B.Com FM -- २१४१ बीएस्सी बायोटेक्नॉलॉजी B.Sc Biotechnology -- ७४५

from Career News in Marathi: Career News, मराठी Career बातम्या | Maharashtra Times https://ift.tt/3vDQYvG
via IFTTT