पुणे विद्यापीठ करतेय 'ओपन बुक एक्झाम'ची चाचपणी

म. टा. प्रतिनिधी, पुणे सावित्रीबाई फुले ाने सत्र परीक्षांच्या प्रक्रियेत सुधारणा करण्याची प्रक्रिया सुरू केली असून, 'ओपन बुक एक्झाम'सारख्या पर्यायांची चाचपणी करण्यासाठी तज्ज्ञांची समिती स्थापन करण्याचा प्रस्ताव तयार केला आहे. या प्रस्तावावर विद्यापीठाच्या परीक्षा मंडळाच्या बैठकीत सविस्तर चर्चा होणार आहे. करोनाच्या प्रादुर्भावामुळे पुणे विद्यापीठाच्या सत्र परीक्षा ऑनलाइन प्रॉक्टर्ड पद्धतीने सुरू आहेत. या परीक्षा बहुपर्यायी (एमसीक्यू) स्वरूपात सोप्या पद्धतीने होत असूनही गैरप्रकारांचे प्रमाण लक्षणीय आहे. ऑनलाइन परीक्षा विद्यार्थ्यांना घरबसल्या देता येत असल्याने, विद्यार्थी इतर इलेक्ट्रॉनिक गॅजेट्समध्ये इंटरनेटचा वापर करून प्रश्नांची उत्तरे सोडवत असल्याचे समोर आले आहे. अनेक विद्यार्थ्यांच्या गुणांमध्ये मोठ्या प्रमाणात वाढ झाली आहे. या पार्श्वभूमीवर एकूणच परीक्षा पद्धतींमध्ये सुधारणा करण्यासह त्यात अधिक पारदर्शकता आणण्यासाठी प्रयत्न केले जाणार आहेत. याबाबत विद्यापीठाचे कुलगुरू म्हणाले, 'बदलत्या काळानुसार परीक्षा पद्धतींमध्ये सुधारणा करण्यासाठी विद्यापीठाने पावले उचलली आहेत. सध्या ऑनलाइन परीक्षांमध्ये विद्यार्थ्यांची उपस्थिती वाढली असून, उत्तीर्ण विद्यार्थ्यांचे प्रमाण वाढले आहे. त्याच वेळी ऑनलाइन प्रॉक्टर्ड परीक्षांमध्ये गैरप्रकार वाढल्याचे निदर्शनास आले आहे. यावर उपाय म्हणून आज, शुक्रवारी (१४ मे) होणाऱ्या परीक्षा मंडळाच्या बैठकीत ओपन बुक एक्झाम, प्रत्यक्षिकांवर भर, सर्वेक्षण, वर्क बेस्ड असाइनमेंट अशा विविध पर्यायांची चाचपणी केली जाईल.' 'परीक्षा पद्धतीत सुधारणेसाठी समिती स्थापन केली जाणार असून, समितीला तातडीने आपला अहवाल द्यावा लागेल. या सुधारणा आगामी शैक्षणिक वर्षाच्या सत्र परीक्षांमध्ये लागू होऊ शकतात,' असे डॉ. करमळकर यांनी सांगितले. परीक्षा पद्धतीत सुधारणांसाठीचे पर्याय... - काही अभ्यासक्रमांना ओपन बुक एक्झाम - वर्क बेस्ड असाइनमेंट - विविध प्रकल्पांवर (प्रोजेक्ट) परीक्षा - प्रात्यक्षिकांवर भर - अभ्यासक्रमांवर आधारित सर्वेक्षण - पाठांतरापेक्षा कौशल्यांवर आधारित परीक्षा करोनाकाळात ऑनलाइन पद्धतीने परीक्षा सुरू आहेत. विविध देशांमधील उच्च शिक्षणाचा आणि परीक्षा पद्धतींचा विचार करून विद्यापीठांच्या सत्र परीक्षांत सुधारणा होण्याची आवश्यकता आहे. त्या योग्य, पारदर्शी आणि शैक्षणिकदृष्ट्या गुणवत्तापूर्ण होण्यासाठी तज्ज्ञांची समिती स्थापन करण्यात येईल. या समितीच्या अहवालानुसार कार्यवाही करण्यात येईल. - डॉ. नितीन करमळकर, कुलगुरू, सावित्रीबाई फुले पुणे विद्यापीठ

from Career News in Marathi: Career News, मराठी Career बातम्या | Maharashtra Times https://ift.tt/3oudrcB
via IFTTT