मुंबई विद्यापीठाच्या ऑनलाइन परीक्षा सुरळीत सुरू

म. टा. विशेष प्रतिनिधी ऑनलाइन परीक्षा घेण्यासाठी विविध टप्प्यांवर नियोजन करणाऱ्या मुंबई विद्यापीठाच्या कला, वाणिज्य व विज्ञान विद्याशाखेच्या पदवीच्या अंतिम वर्षाच्या सत्र ६च्या परीक्षा सुरळीत सुरू झाल्या आहेत. काही ठिकाणी नेटवर्क न मिळण्याचा काहीसा अपवाद वगळता तब्बल लाखभराहून विद्यार्थ्यांनी ही परीक्षा दिली असल्याची माहिती विद्यापीठाच्या परीक्षा व मूल्यमापन मंडळाचे संचालक डॉ. विनोद पाटील यांनी दिली. मुंबई विद्यापीठाच्या २०२०-२१ या शैक्षणिक वर्षाच्या कला, वाणिज्य व विज्ञान विद्याशाखेच्या पदवीच्या अंतिम वर्षाच्या परीक्षा घेण्यासाठी विद्यापीठाकडून यासाठी ९४ समूह महाविद्यालयाद्वारे योग्य नियोजन करण्यात आले आहे. त्यासाठीची महत्त्वाची जबाबदारी समूह महाविद्यालयांवर देण्यात आली असल्याने तब्बल ४५०पेक्षा जास्त महाविद्यालयात ऑनलाइन पद्धतीने ही परीक्षा पहिल्याच दिवशी सुरळीत पार पडली. कोणत्याही प्रकारच्या तक्रारी अजून तरी आल्या नसल्याचे डॉ. विनोद पाटील यांनी सांगितले. गुरुवारी सुरू झालेल्या परीक्षेत कला, वाणिज्य आणि विज्ञान शाखेच्या पदवीसह विविध शाखेच्या ४५ परीक्षा घेतल्या जाणार आहेत. यात बीकॉम सत्र ६ या परीक्षेत सर्वाधिक म्हणजे ६४,१०१ बीएमएसमध्ये १६,५०१, बीएमध्ये १४,५९२, बीएस्सी १०,७७०, बीकॉम अकाउंट अँड फायनान्समध्ये १०,२५१, बीएस्सी आयटीमध्ये ९७२० यासह बीएमएम, बीकॉम बँकिंग अँड इन्शुरन्स, बीकॉम फायनान्शियल मार्केट, बीएस्सी बायोटेक्नॉलॉजी, बीएस्सी काम्प्युटर सायन्स, बीएस्सी हॉस्पिटॅलिटी आदी शाखेतील तब्बल १ लाख ५५ हजाराहून अधिक विद्यार्थी असल्याचे सांगण्यात आले.

from Career News in Marathi: Career News, मराठी Career बातम्या | Maharashtra Times https://ift.tt/3uIkelf
via IFTTT