सैनिकी महाविद्यालयाची प्रवेश परीक्षा लांबणीवर

करोनाच्या वाढत्या प्रादुर्भावामुळे राष्ट्रीय लष्करी महाविद्यालयासाठी पाच जून रोजी होणारी प्रवेशपात्रता परीक्षा पुढे ढकलण्यात आली आहे. त्यासह अर्ज भरण्याच्या प्रक्रियेसही मुदतवाढ देण्यात आली आहे. राज्य परीक्षा परिषदेने दिलेल्या सुधारित वेळापत्रकाप्रमाणे २१ मेपर्यंत अर्ज भरता येणार आहेत. परिषदेने मंगळवारी दिलेल्या निवेदनात म्हटले आहे की, लॉकडाउनचा विचार करत परीक्षेचे अर्ज स्वीकारण्याच्या अंतिम मुदतीत बदल करण्यात आलेला आहे. येथील या महाविद्यालयासाठी प्रवेशप्रक्रिया फेब्रुवारीपासून सुरू आहे. राज्यात परीक्षा परिषदेतर्फे याची प्रक्रिया होते. देशभरातील परिस्थितीमुळे विद्यार्थी, पालकांना अर्ज भरण्यासही अडचणी येत होत्या. त्यामुळे अर्ज भरण्याच्या प्रक्रियेसही मुदतवाढ देण्यात आली आहे. डेहराडून येथील लष्करी महाविद्यालयासाठी प्रवेशासाठीची प्रक्रिया फेब्रुवारीपासून सुरू आहे. त्यासाठी राज्यात महाराष्ट्र राज्य परीक्षा परिषदेतर्फे ऑनलाइन अर्ज करण्याची प्रक्रिया सुरू आहे. परीक्षा पाच जूनला होणार होती. पण ती लांबणीवर टाकण्यात आली आहे. आधी १५ एप्रिलपर्यंत अर्ज स्विकृतीची प्रक्रिया होणार होती, परंतु देशभरात करोनाचा वाढता प्रादुर्भाव पाहता, विद्यार्थी, पालकांना अर्ज भरण्यास येणाऱया अडचणी लक्षात घेत अर्ज भरण्याच्या प्रक्रियेस ३० एप्रिलपर्यंत मुदतवाढ देण्यात आली. याबाबत परीक्षा परिषदेने दिलेल्या निवेदनात म्हटले आहे की, प्रवेशपात्रता परीक्षा पाच जून रोजी होणार आहे. सध्या देशात व राज्यात करोना विषाणूचा वाढता प्रादुर्भाव लक्षात घेता लॉकडाउनची परिस्थितीचा विचार करून परीक्षेचे अर्ज स्वीकारण्यास मुदतवाढ देण्यात आली आहे. आता परीक्षाच लांबणीवर टाकण्यात आल्याने अर्जांची मुदत २१ मे करण्यात आली आहे.

from Career News in Marathi: Career News, मराठी Career बातम्या | Maharashtra Times https://ift.tt/3nOa0gl
via IFTTT