CBSE बोर्डाच्या विद्यार्थ्यांसाठी ‘सीबीएसई दोस्त फॉर लाइफ’ अॅप

CBSE: केंद्रीय माध्यमिक शिक्षण मंडळ (Central Board of Secondary Education, CBSE), सीबीएसईने इयत्ता नववी ते बारावीपर्यंतच्या विद्यार्थ्यांसाठी एक काउन्सेलिंग अॅप लॉन्च केले आहे. या काउन्सेलिंग अॅपचे ‘सीबीएसई दोस्त फॉर लाइफ’ (CBSE ) आहे. या माध्यमातून विद्यार्थ्यांच्या मानसिक आरोग्याची काळजी घेतली जाणार आहे. यासोबतच बारावीच्या वि्दयार्थ्यांना करिअरचा सल्लाही दिला जाणार आहे. सीबीएसई बोर्ड १० मे २०२१ रोजी या अॅपच्या माध्यमातून आपला वार्षिक समुपदेशन कार्यक्रम सुरू करणार आहे. च्या या काउन्सेलिंग अॅपद्वारे विद्यार्थ्यांना परीक्षेमुळे होणारा तणाव कसा दूर केला जाईल, यासाठी काउन्सेलिंग सेशन उपलब्ध केले जाईल. तज्ज्ञांचा सल्लाही दिला जाईल. याव्यतिरिक्त बारावीनंतर विद्यार्थी कोणतं क्षेत्र निवडू शकतील याबाबतचा सल्लाही दिला जाईल. विद्यार्थी-विद्यार्थिनींचं मानसिक आरोग्य फिट ठेवण्यासाठी देखील टिप्स दिल्या जाणार आहेत. या व्यतिरिक्त या काउन्सेलिंग अॅप मध्ये COVID-19-संबंधित प्रोटोकॉल आणि ऑडियो-व्हिज्युअल मेसेज देखील जारी करण्यात आला आहे. CBSE अनुभवी काउन्सेलर आणि प्रिंसिपलद्वारे लाइव्ह काउन्सेलिंग सत्र चालवणार आहे. यासाठी विद्यार्थ्यांकडून कोणतेही शुल्क आकारण्यात येणार नाही. या सेशनचे आयोजन आठवड्यातून तीन वेळा सोमवार, बुधवार आणि शुक्रवारी करण्यात येणार आहे. वेळेचे स्लॉट सकाळी ९.३० ते दुपारी १.३० वाजेपर्यंत असेल. सायंकाळी देखील ५.३० वाजता विद्यार्थी आणि पालक आपल्या सोयीनुसार चॅटबॉक्सच्या माध्यमातून या अॅपशी जोडले जाऊ शकतील. इयत्ता नववी ते बारावीच्या विद्यार्थ्यांनी हे ध्यानात ठेवावे की CBSE बोर्डाची वार्षिक काउन्सेलिंग प्रक्रिया Dost for Life App वर १० मे २०२१ पासून सुरू होणार आहे. विद्यार्थ्यांना असे आवाहन करण्यात आले आहे की CBSE काउन्सेलिंग अॅप वर अधिक माहितीसाठी आपल्या शाळा किंवा अधिकृत साइटच्या माध्यमातून भेट द्या. दुसरीकडे सीबीएसई बोर्डाने करोना व्हायरसच्या दुसऱ्या लाटेचा कहर पाहता दहावी परीक्षा रद्द करण्यात आली आहे आणि बारावीची परीक्षा लांबणीवर टाकण्यात आली आहे.

from Career News in Marathi: Career News, मराठी Career बातम्या | Maharashtra Times https://ift.tt/3o3R2SX
via IFTTT