IBPS पीओ, क्लर्क भरती परीक्षांच्या तारखांची घोषणा लवकरच

PO/ Clerk Recruitment 2021 Exam Notification: इन्स्टिट्यूट ऑफ बँकिंग पर्सनल सिलेक्शन (IBPS) भरतीची वाट पाहणाऱ्या उमदेवारांसाठी एक चांगली बातमी आहे. IBPS, ऑफिसर स्केल-I (PO), ऑफिस असिस्टंट मल्टीपर्पज (Clerk) आणि ऑफिसर स्केल II, III भरती परीक्षेशी संबंधित घोषणा करणार आहे. आयबीपीएसी भरती परीक्षा 2021 चे नोटिफिकेशन जूनमध्ये जारी होण्याची शक्यता आहे. IBPS PO, Clerk आणि ऑफिसर स्केल-II, III भरती परीक्षेचे नोटिफिफिकेशन, आयबीपीएसच्या अधिकृत वेबसाइट ibps.in. वर जारी केले जाईल. जे उमेदवार आयबीपीएस पीओ या क्लर्क भरती परीक्षेसाठी अर्ज करू इच्छितात ते अद्ययावत माहितीसाठी अधिकृत वेबसाइट पाहू शकतात. आयबीपीएस वार्षिक कॅलेंडरनुसार परीक्षेचे वेळापत्रक शेड्यूल आयबीपीएस आरआरबी प्रीलिम्स परीक्षा पीओ आणि क्लर्क पदांसाठी १, ७, ८, १४ आणि २१ ऑगस्ट २०२१ रोजी आयोजित करण्याची शक्यता आहे. पूर्व परीक्षेत पात्र ठरणाऱ्या उमेदवारांना मुख्य परीक्षा द्यावी लागेल. आयबीपीएस आरआरबी पीओ मेन्स परीक्षा २५ सप्टेंबर रोजी होण्याची शक्यता आहे. आयबीपीएस आरआरबी क्लर्क मेन्स ३ ऑक्टोबर २०२१ रोजी आयोजित केली जाऊ शकते. निवड प्रक्रिया IBPS RRB पीओ किंवा क्लर्क भरती परीक्षा तीन टप्प्यांत आयोजित केली जाते. पहिल्या टप्प्यात पूर्व परीक्षा (IBPS Prelims exam), दुसऱ्या टप्प्यात मुख्य परीक्षा (IBPS Mains exam) होते. मेन्स परीक्षेत मिळालेल्या गुणांच्या आधारे उमेदवारांच्या मुलाखतीसाठी (Interview) आणि प्रमाणपत्र पडताळणीसाठी (DV) यादी तयार केली जाते. मुलाखत आणि प्रमाणपत्र पडताळणीच्या आधारे संस्था अधिकृत वेबसाइटवर एक प्रोव्हिजनल मेरीट लिस्ट तयार करते.

from Career News in Marathi: Career News, मराठी Career बातम्या | Maharashtra Times https://ift.tt/3eDmnck
via IFTTT