MSBTE Diploma Exam: डिप्लोमाच्या परीक्षा जुलै-ऑगस्टमध्ये

म. टा. प्रतिनिधी, नाशिक महाराष्ट्र राज्य तंत्रशिक्षण मंडळामार्फत () राबविण्यात येणाऱ्या विविध डिप्लोमा व अल्प मुदतीच्या अभ्यासक्रमांच्या उन्हाळी परीक्षा जुलै-ऑगस्टमध्ये होणार आहेत. या परीक्षांसाठी ऑनलाइन अर्ज भरण्याचे वेळापत्रक जाहीर झाले असून, विद्यार्थ्यांना १२ मेपर्यंत अर्ज भरता येणार असल्याचे मंडळामार्फत सांगण्यात आले आहे. 'एमएसबीटीई'मार्फत वेबसाइटवरील स्टुडंट लॉग इन मध्ये विद्यार्थ्यांसाठी परीक्षा अर्ज उपलब्ध करून देण्यात आला आहे. विद्यार्थ्यांनी हा परीक्षा अर्ज भरताना स्वत:चा मोबाइल क्रमांक व ई-मेल आयडी भरणे गरजेचे आहे. विद्यार्थ्यांनी फॉर्ममध्ये भरलेल्या मोबाइल क्रमांक आणि ई-मेल आयडीवर परीक्षाविषयक माहिती पाठवली जाणार असल्याने, या दोन्ही गोष्टी विद्यार्थ्यांनी अचूकपणे नमूद कराव्यात, असे आवाहन 'एमएसबीटीइ'मार्फत करण्यात आले आहे. या विद्यार्थ्यांची घटक चाचणी परीक्षा पाच ते सात मे या काळात घेण्याचा येणार असून, यामध्ये फार्मसी आणि नॉन एआयसीटीई विद्यार्थ्यांचादेखील समावेश असणार आहे. प्रथम व द्वितीय घटक चाचणी परीक्षा 'एमसीक्यू' बेस्ड ऑनलाइन पद्धतीने घेण्यात येणार असून, याबाबतची अधिक माहिती 'एमएसबीटीई'च्या वेबसाइटवर उपलब्ध करून देण्यात आली आहे.

from Career News in Marathi: Career News, मराठी Career बातम्या | Maharashtra Times https://ift.tt/3uu8t1u
via IFTTT