Also visit www.atgnews.com
MSBTE च्या प्रात्यक्षिक आणि लेखी परीक्षांच्या वेळापत्रकात बदल
म. टा. प्रतिनिधी, नाशिक सध्याची करोनाची स्थिती पाहता महाराष्ट्र राज्य तंत्रशिक्षण मंडळाने () दुसरी घटक चाचणी आणि उन्हाळी परीक्षेंतर्गत घेण्यात येणाऱ्या प्रात्यक्षिक आणि लेखी परीक्षांच्या कालावधीत बदल केला आहे. नवीन शैक्षणिक वर्ष एक सप्टेंबरपासून सुरू करणार असल्याचे जाहीर केले आहे. सम सत्रांचा शैक्षणिक कालावधीही बदलण्यात आला आहे. 'एमएसबीटीई'ने इंजिनीअरिंग, फार्मसी, हॉटेल मॅनजमेंट, सरफेस कोटिंग टेक्नॉलॉजी या अभ्यासक्रमांच्या उन्हाळी परीक्षांच्या वेळापत्रकात बदल करण्यात आला असून, त्यानुसार प्रात्यक्षिक परीक्षा २२ जून ते ३ जुलैदरम्यान, तर ऑनलाइन लेखी परीक्षा १३ जुलै ते ३ ऑगस्टदरम्यान होणार आहे. संबंधित परिक्षांचा निकाल ऑगस्टच्या चौथ्या आठवड्यात लागणार असून, विद्यार्थ्यांच्या औद्योगिक प्रशिक्षणासंदर्भातील माहिती वेगळ्या परिपत्रकाद्वारे जाहीर केली जाणार आहे. तंत्रशिक्षण मंडळामार्फत राबविल्या जाणाऱ्या विविध अभ्यासक्रमांचे नवीन शैक्षणिक वर्ष एक सप्टेंबरपासून सुरू करण्यात येणार असल्याचेही जाहीर करण्यात आले आहे. हे बदल सर्व विद्यार्थ्यांना निदर्शनास आणून द्यावेत, तसेच संस्था स्तरावरील परीक्षेचे आयोजन करताना वेळापत्रकातील कालावधी तंतोतंत पाळावा. असा आदेश 'एमएसबीटीई'चे सचिव डॉ. महेंद्र चितलांगे यांनी महाविद्यालयांना दिला आहे. याचसोबत एमएसबीटीई अंतर्गत येणाऱ्या विविध तंत्रशिक्षण अभ्यासक्रमांच्या द्वितीय सत्रातील चौथ्या, सहाव्या आणि आठव्या सेमिस्टरचा कालावधी हा २५ मार्च ते १९ जून ठरविण्यात आला आहे. द्वितीय सत्रातील दुसऱ्या सेमिस्टरचा कालावधी ३० मार्च ते १९ जून असेल, तर वार्षिक पॅटर्नचा कालावधी १७ ऑगस्ट २०२० ते १९ जून २०२१ असा निश्चित करण्यात आला आहे. या सत्रातील विद्यार्थ्यांची ऑनलाइन परीक्षा १४ ते १६ जूनदरम्यान घेण्यात येणार आहे. याच कालावधीत फार्मसीच्या विद्यार्थ्यांची तिसरी वर्ग चाचणीदेखील घेण्यात येणार आहे.
from Career News in Marathi: Career News, मराठी Career बातम्या | Maharashtra Times https://ift.tt/2TpADgl
via IFTTT
Also visit www.atgnews.com
Career News in Marathi: Career News
मराठी Career बातम्या | Maharashtra Times
Post a Comment
0 Comments