PG Medical Exam: वैद्यकीय पदव्युत्तर परीक्षा पुन्हा लांबणीवर

Postponed: वाढत्या करोना संसर्गामुळे महाराष्ट्र आरोग्य विज्ञान विद्यापीठाच्या () उन्हाळी-२०२१ पदव्युत्तर वैद्यकीय अभ्यासक्रमांच्या परीक्षा (Medical PG Final Year Exams 2021) पुन्हा दुसऱ्यांदा लांबणीवर टाकण्यात आल्या आहेत. या परीक्षा २४ जूनपासून सुरू होणार होत्या. मात्र त्या आता अनिश्चित काळासाठी पुढे ढकलण्यात आल्या आहेत. महाराष्ट्र आरोग्य विज्ञान विद्यापीठाचे परीक्षा नियंत्रक डॉ. अजित पाठक यांनी यासंदर्भातील परिपत्रक जारी केले आहे. त्यात प्रशासकीय कारणामुळे या परीक्षा पुढे ढकलण्यात येत असल्याचे म्हटले आहे. परीक्षेचे सुधारित वेळापत्रक नंतर जाहीर करण्यात येईल, असेही नमूद करण्यात आले आहे. याशिवाय विद्यार्थ्यांनी परीक्षेसंदर्भातील कोणत्याही अफवांवर विश्वास न ठेवण्याचे आवाहनही करण्यात आले आहे. विद्यापीठाच्या परिपत्रकाची खात्री करण्यासाठी विद्यापीठाच्या www.muhs.ac.in या अधिकृत संकेतस्थळाला भेट द्यावी, असेही विद्यार्थ्यांना कळवण्यात आले आहे. २०२०-२१ या शैक्षणिक वर्षाच्या पदव्युत्तर वैद्यकीय अभ्यासक्रमांच्या परीक्षा सर्वात आधी २५ मे पासून सुरू होणार होत्या. करोनास्थितीमुळे त्या पुढे ढकलण्यात येऊन २४ जूनपासून सुरू होणार होत्या. आता पुन्हा त्या अनिश्चितकाळासाठी पुढे ढकलण्यात आल्या आहेत. या परीक्षेला बसणारे शासकीय आणि स्थानिक वैद्यकीय महाविद्यालयांमधील अनेक डॉक्टर्स कोविड ड्युटी बजावत आहेत आणि करोनाग्रस्तांची संख्या अजूनही कमी झालेली नाही.

from Career News in Marathi: Career News, मराठी Career बातम्या | Maharashtra Times https://ift.tt/3uqR2yO
via IFTTT