Railway Recruitment 2021: दहावी आणि ITI उत्तीर्णांसाठी पश्चिम रेल्वेत अप्रेंटिसशीपची संधी

Railway Apprentice Recruitment 2021, RRC Jobs: तुम्ही दहावी उत्तीर्ण असाल किंवा आयटीआय ट्रेडमधून डिप्लोमा केला असेल तर तुमच्यासाठी रेल्वेत नोकरीची (Railway Jobs) संधी आहे. रे़ल्वे रिक्रूटमेंट सेल (RRC), मुंबईने फिटर, वेल्डर, टर्नर, मशिनीस्ट, कारपेंटर, पेंटर, मेकॅनिक, इलेक्ट्रीशियन, वायरमन, पाइप फिटर, प्लंबरसह अन्य अनेक प्रकारच्या पदांवर अप्रेंटिसशिप भरतीसाठी नोटिफिकेशन जारी केले आहे. पश्चिम रेल्वेच्या कार्यकक्षेत विभिन्न विभागांच्या वर्कशॉपमध्ये एकूण ३,५९१ अप्रेंटिस पदे भरली जाणार आहेत. वेस्टर्न रेल्वे (Western Railway) मध्ये अप्रेंटिस भरतीसाठी ऑनलाइन अर्ज प्रक्रिया २५ मे २०२१ पासून सुरू होणार आहे. २४ जून पर्यंत इच्छुक उमेदवारांना अर्ज करता येणार आहेत. इच्छुक आणि योग्य उमेदवारांनी अधिकृत वेबसाइट वर जाऊन अर्ज करायचा आहे. भरतीसंदर्भातील नोटिफिकेशनची थेट लिंक या वृत्तात पुढे देण्यात आली आहे. या पदांवर होणार भरती फिटर, वेल्डर (G & E), टर्नर, मशिनीस्ट, कारपेंटर, पेंटर (जनरल), मेकॅनिक (DSL आणि मोटर व्हेइकल), प्रोग्रामिंग अँड सिस्टीम अॅडमिनिस्ट्रेशन असिस्टंट, इलेक्ट्रीशियन, इलेक्ट्रॉनिक मेकॅनिक, रेफ्रिजरेशन अँड एसी मेकॅनिक, वायरमन, पाइप फिटर, प्लंबर, ड्राफ्ट्समन (सिविल) आणि स्टेनोग्राफर (इंग्रजी) शैक्षणिक पात्रता कोणत्याही मान्यताप्राप्त बोर्डातून किमान ५० टक्के गुणांसह दहावी उत्तीर्ण असणे आवश्यक. तांत्रिक पात्रता संबंधित ट्रेडमध्ये NCVT किंवा SCVT तून मान्यता प्राप्त संस्थेतून आयटीआय (ITI) सर्टिफिकेट असणे आवश्यक. अर्ज करण्यास इच्छुक उमेदवारांनी तांत्रिक योग्यतेविषयीची संपूर्ण माहिती पुढे दिलेल्या नोटिफिकेशन लिंक वर क्लिक करून जाणून घ्यावी. वयोमर्यादा उमेदवाराचे वय २४ जून पर्यंत किमान १५ आणि कमाल २४ वर्षे असावे. आरक्षित प्रवर्गांमधील उमेदवारांना सरकारी नियमांनुसार सवलत लागू राहील. निवड प्रक्रिया आरआरसी मुंबई मेरिट यादीच्या आधारे उमेदवारांची निवड करेल. दहावी आणि आयटीआय मध्ये मिळालेल्या गुणांच्या आधारे मेरिट यादी तयार केली जाईल. अंतिम निवड मूळ गुणपत्रिका आणि मेडिकल फिटनेस सर्टिफिकेटच्या पडताळणीनंतर होईल. अर्ज शुल्क एससी, एसटी, पीडब्ल्यूडी आणि महिला अर्जदार वगळता अन्य सर्व उमेदवारांनी १०० रुपये अर्ज शुल्क भरावयाचे आहे.

from Career News in Marathi: Career News, मराठी Career बातम्या | Maharashtra Times https://ift.tt/3fMwlYf
via IFTTT