UGC Guidelines: विद्यापीठांना मे महिन्यात ऑफलाइन परीक्षा न घेण्याचे UGC चे आदेश

Guidelines, University May 2021 Offline exam: विद्यापीठ अनुदान आयोगाने (UGC) मार्गदर्शक तत्त्वे जारी केले आहेत. यूजीसीने नोटीस जारी करून सर्व विद्यापीठांना मे मध्ये ऑफलाइन परीक्षा (University May 2021 Offline exam) आयोजित न करण्यास सांगितले आहे. आयोगाने कोविड-१९ च्या पार्श्वभूमीवर सध्याच्या परिस्थितीचा आढावा घेऊन ऑनलाइन परीक्षा आयोजित करण्याचा निर्णय घेण्याचे निर्देश देण्यात आले आहेत. यूजीसीने आपली अधिकृत वेबसाइट ugc.ac.in वर गाइडलाइन्स जारी केल्या आहेत. आयोगाने सर्व विद्यापीठे आणि महाविद्यालयांना असे स्पष्ट निर्देश दिले आहेत की COVID-19 महामारीच्या पार्श्वभूमीवर सर्वांचे आरोग्य आणि सुरक्षा सर्वात महत्त्वाची आहे. विद्यार्थी, शिक्षक आणि कर्मचाऱ्यांच्या सुरक्षेसाठी पावले यूजीसीद्वारे जारी परिपत्रकात म्हटलं आहे की, 'COVID-19 ची ताजी स्थिती ध्यानात घेऊन उच्च शिक्षण संस्थांमध्ये कॅम्पसमधील संभाव्य गर्दी टाळण्यासाठी आणि विद्यार्थी, शिक्षक-कर्मचाऱ्यांच्या आरोग्यासाठी मे महिन्यात ऑफलाइन परीक्षा आयोजित न करण्याचा निर्णय घेण्यात आला आहे.' कधी मिळणार ऑनलाइन परीक्षांना परवानगी? ऑनलाइन परीक्षेच्या आयोजनासाठी परवानगी तेव्हाच दिली जाईल, जेव्हा विद्यापीठे केंद्र, राज्य सरकारांच्या मार्गदर्शक तत्त्वांचे पालन करतील. गाइडलाइन्स काय आहेत? शिक्षण मंत्रालयाने शिक्षण मंत्रालयाने आयआयटी (IITs), एनआयटी (NITs), आयआयआयटी (IIITs) आणि सेंट्रल युनिवर्सिटीज यासारख्या सर्व केंद्रीय मान्यताप्राप्त संस्थांना मे महिन्यात ऑफलाइन परीक्षा आयोजित न करण्याचे निर्देश दिले आहेत. पुन्हा परीक्षा आयोजित करण्यासाठी करोना स्थितीचा आढावा जून २०२१ च्या पहिल्या आठवड्यात घेतला जाईल. संकुलात कोणत्याही प्रकारची गर्दी होता कामा नये.

from Career News in Marathi: Career News, मराठी Career बातम्या | Maharashtra Times https://ift.tt/3vGHH6i
via IFTTT