ICAIचा महत्वाचा निर्णय : 'या' परीक्षांसाठी विद्यार्थी बदलू शकणार केंद्र

decision: इंस्टीट्यूट ऑफ चार्टर्ड अकाउंटंट्स ऑफ इंडियातर्फे (ICAI)सीए फाउंडेशन, इंटरमीडिएट आणि अंतिम परीक्षेसाठी विद्यार्थ्यांना केंद्राचे शहर बदलण्याची परवानगी देण्यात आली आहे. ICAI ने अधिकृत संकेतस्थळावर यासंदर्भातील माहिती दिली आहे. यानुसार वेगळ्या केंद्रातून सीए फाउंडेशन, इंटर, फायनल आणि पीक्यूसी परीक्षेत बसण्यासाठी अर्ज करू शकतात. ज्या विद्यार्थ्यांना आपल्या परीक्षा केंद्रावरील शहर बदलायचे आहे, त्यांनी आयसीएआय वेबसाइटवर जाऊन ९ जून ते ११ जून दरम्यान ऑनलाइन अर्ज करणे गरजेचे आहे. करोना प्रादुर्भावाच्या पार्श्वभूमीवर हा महत्वाचा निर्णय घेण्यात आला आहे. संस्थेने सीए जून फाउंडेशन परीक्षेसाठी दोन नवीन परीक्षा केंद्रांची घोषणा केली होती. आधीच घोषणा केलेल्या सीए परीक्षा केंद्राच्या यादीत नवी परीक्षा केंद्र जोडली गेली आहेत. यामध्ये गुजरातमधील पाटन आणि महाराष्ट्रामध्ये मालेगांव यांचा समावेश आहे. केव्हा होणार परीक्षा ? आयसीएआय सीए फाउंडेशन परीक्षा २४ जुलै ते ३० जुलै २०२१ दरम्यान होणार आहे. इंटरमीडिएट परीक्षा (आयपीसी आणि नवीन) ६ ते २० जुलै दरम्यान होईल. जुन्या आणि नवीन पाठ्यक्रमांच्या अंतिम परीक्षेसाठी ५ ते १९ जुलै दरम्यान वेळ निर्धारित करण्यात आली आहे. आयसीएआय जाहीर केलेल्या परीक्षा वेळापत्रकानुसार, सीए फाउंडेशन पेपर- ३ आणि ४ ही परीक्षा २ तासांची असेल. सीए फाइनल (न्यू स्कीम) पेपर - ६ परीक्षा ४ तासांची असेल. इतर सर्व परीक्षा ३ तासांच्या असतील. मॉड्यूल १ ते ५ इंजिनोरिस रीस्क मॅनेजमेंट (IRM)तांत्रिक परीक्षा ५, ७, ९ आणि ११ जुलै रोजी होईल असे संस्थेतर्फे सांगण्यात आले आहे.

from Career News in Marathi: Career News, मराठी Career बातम्या | Maharashtra Times https://ift.tt/3v2Kc1S
via IFTTT