साउथ इस्टर्न कोलफील्ड्स लिमिटेडमध्ये लिपिक पदांची भरती

Recruitment 2021: भारत सरकारच्या मिनीरत्न कंपन्यांपैकी एक असलेल्या () ने ग्रेड -3 मध्ये लिपिक पदांच्या भरतीसाठी अधिसूचना जारी केली आहे. कंपनीने मंगळवार, २४ ऑगस्ट २०२१ रोजी जारी केलेल्या भरती अधिसूचनेनुसार, एसईसीएलमध्ये काम करणाऱ्या विभागीय कर्मचाऱ्यांकडून सामान्य लिपिक संवर्गातील १९६ लिपिक पदांसाठी अर्ज मागवण्यात येत आहेत. या पदांपैकी ९० अनुसूचित जाती (SC) साठी, ३७ अनुसूचित जमातीसाठी (ST) आणि ६९ सामान्य (General) श्रेणीच्या उमेदवारांसाठी आहेत. या सर्व रिक्त जागा मनुष्यबळ अर्थसंकल्प २०२०-२१ नुसार उपलब्ध आहेत. साउथ इस्टर्न कोलफील्ड्स लिमिटेड (SECL) मध्ये ग्रेड- III लिपिक पदासाठी भरतीसाठी अर्ज करण्यास इच्छुक उमेदवार कंपनीच्या अधिकृत वेबसाईट, secl-cil.in वरून किंवा या वृत्तात पुढे दिलेल्या लिंक वरून भरती अधिसूचना डाऊनलोड करू शकतात. अर्ज करण्यासाठी नमूना फॉर्म अधिसूचनेतच दिला आहे. हा अर्ज पूर्ण भरून आणि विनंती केलेली कागदपत्रे स्कॅन करून जोडून ईमेलवर मुख्य व्यवस्थापक (कार्मिक / NEE), SECL, बिलासपूर (छत्तीसगड) यांना १६ सप्टेंबर २०२१ पर्यंत तुमच्या संबंधित क्षेत्र / युनिटसह पाठवा. पात्रता काय? ज्या उमेदवारांनी दहावी किंवा समकक्ष परीक्षा उत्तीर्ण केली आहे, केवळ तेच उमेदवार साउथ इस्टर्न कोलफील्ड्स लिमिटेड ग्रेड -3 लिपिक पदांसाठी अर्ज करण्यास पात्र आहेत. याशिवाय कंपनीत किमान ३ वर्षांची सेवा केलेली असावी. निवड प्रक्रिया उमेदवारांची निवड लेखी परीक्षा, संगणक प्राविण्य चाचणी आणि पात्रतेसाठी निर्धारित गुणांच्या आधारे केली जाईल. त्यापैकी लेखी परीक्षेसाठी ६० गुण, कॉम्प्युटर प्रोफिशिएन्सी टेस्टसाठी ३० गुण आणि पात्रतेसाठी १० गुण आहेत. सामान्य श्रेणीच्या उमेदवारांना लेखी परीक्षा आणि कॉम्प्युटर प्रोफिशिएन्सी टेस्टमध्ये किमान ४० टक्के गुण मिळवावे लागतील आणि एससी/एसटीसाठी हा कट ऑफ ३५ टक्के असेल. किमान गुण मिळवणाऱ्या उमेदवारांना गुणवत्तेच्या आधारे निवड प्रक्रियेच्या पुढील टप्प्यासाठी बोलावले जाईल.

from Career News in Marathi: Career News, मराठी Career बातम्या | Maharashtra Times https://ift.tt/3kpeM2G
via IFTTT