CBSE Result 2021: अमानोरा शाळेचा दहावीचा शंभर टक्के निकाल

CBSE Result 2021: २०२०-२०२१ च्या सीबीएसई १० वीचा निकाल मंगळवारी ३ ऑगस्ट रोजी जाहीर करण्यात आला. कोरोनासारख्या महामारीच्या काळात सीबीएसई बोर्डाच्या परिक्षेचे निकाल चांगले नोंदवले गेले आहे. यातील अमानोरा शाळेच्या विद्यार्थ्यांनी पुन्हा एकदा आपली उत्कृष्ट कामगीरी दाखवली आहे. अमानोरा शाळाचे विद्यार्थी सातत्याने उत्कृष्ट निकाल मिळवत आले असून यंदाही सलग सातव्यांदा त्यांच्या दहावी बोर्डाचा निकाल १०० टक्के लागला आहे. एकूण १५६ विद्यार्थी परीक्षेला बसले, त्यापैकी ४६ विद्यार्थ्यांनी ९० टक्क्यांपेक्षा जास्त गुण मिळवले आणि १०६ विद्यार्थ्यांनी ८० टक्क्यांपेक्षा जास्त गुण मिळवले. शाळेची टॉपर अवनी साकुरीकरला ९८.६ टक्के, गीतांजली पांडेला ९८ टक्के आणि नेहा नारायणला ९७.८ टक्के मिळाले आहेत. अमानोरा शाळेच्या मुख्यध्यापिका मीरा नायर यांनी आपल्या शाळेचा १०० टक्के निकाल लागल्याचे सांगितले. साथीच्या काळातही अशी कामगारी करणे हे विद्यार्थी, शिक्षक आणि पालकांच्या मेहनतीशिवाय शक्य नसल्याचेही त्या म्हणाल्या. शिवाय मीरा यांनी विद्यार्थ्यांचे अभिनंदन आणि संपूर्ण शिक्षकांच्या टीमचे देखील आभार मानले आहे. ऑनलाइन काऊन्सिलिंग पोर्टल सुरु सीबीएसईतर्फे नववी ते बारावीच्या विद्यार्थ्यांचे करिअर उत्तम करण्यासाठी ऑनलाइन काऊन्सिलिंग पोर्टलची सुरुवात करण्यात आली आहे. केंद्रीय माध्यमिक शिक्षण बोर्ड (सीबीएसई)ने यूनिसेफसोबत मिळून याची सुरुवात केली आहे. विद्यार्थ्यांना या ऑनलाइन करिअर काऊन्सिलिंग पोर्टलच्या माध्यमातून करिअर, कॉलेजच्या माहितीसोबत विविध देशातील अभ्यासक्रम, शिष्यवृत्ती आणि स्पर्धात्मक परीक्षांसंदर्भात माहिती देण्यात येणार आहे. करिअर पोर्टल मोबाइल अॅप्लिकेशनच्या रुपात देखील उपलब्ध आहे. अधिकृत वेबसाइट cbsecareerguidance.com वर जाऊन विद्यार्थ्यांना यासाठी नोंदणी करता येऊ शकते. सुमारे १८ लाख विद्यार्थ्यांनी या परीक्षेसाठी देशभरातून नोंदणी केली होती. एकूण ९९.०४ टक्के विद्यार्थी उत्तीर्ण झाले आहेत. निकालाची लिंक बोर्डाने अॅक्टिव्ह केली आहे. विद्यार्थ्यांना त्यांचा वैयक्तिक निकाल पाहता येणार आहे. आपल्या रोल नंबरच्या सहाय्याने निकाल पाहता येणार आहे. रोल नंबर माहित नसल्यास तो कसा मिळवावा, हे या वृत्तात पुढे देण्यात आले आहे. असा लागला निकाल - नोंदणी केलेले एकूण विद्यार्थी- २१,५०,६०८ खासगीरित्या तसेच कॉरेस्पॉंडंट नोंदणी केलेले विद्यार्थी - ३६,८४१ नियमित विद्यार्थी - २१,१३,७६७ निकाल जाहीर झालेले विद्यार्थी - २०,९७,१२८ अद्याप निकाल जाहीर न झालेले विद्यार्थी - १६,६३९ कंपार्टमेंटसाठी पात्र - १७,६३६ एकूण निकाल - ९९.०४ टक्के

from Career News in Marathi: Career News, मराठी Career बातम्या | Maharashtra Times https://ift.tt/2VjoMSE
via IFTTT