MPSC Exam 2021: महाराष्ट्र दुय्यम सेवा अराजपत्रित गट-ब संयुक्त पूर्व परीक्षेचे प्रवेशपत्र जााहीर

Maharashtra PSC 2021: अराजपत्रित गट-ब संयुक्त पूर्व परीक्षेचे प्रवेशपत्र जाहीर करण्यात आले आहे. महाराष्ट्र लोकसेवा आयोगाची (MPSC)अधिकृत वेबसाइट mpsconline.gov.in अराजपत्रित गट-ब पदांसाठी घेण्यात येणाऱ्या या परीक्षेचे प्रवेशपत्र जाहीर करण्यात आले आहे. परीक्षेला बसलेले उमेदवार पोर्टलवर आवश्यक तपशील टाकून प्रवेशपत्र डाउनलोड करू शकतात. याअंतर्गत एकूण ८०६ रिक्त पदांची भरती केली जाणार आहे. या एकूण रिक्त पदांपैकी ६५० पोलीस उपनिरीक्षक, ६७ सहाय्यक विभाग अधिकारी आणि ८९ राज्य कर निरीक्षक पदांच्या जागा भरल्या जाणार आहेत. या पदांसाठी घेण्यात येणारी MPSC परीक्षा ४ सप्टेंबरला होणार आहे. लोकसेवा आयोगाने या परीक्षेसंदर्भातील परिपत्रक जारी केले आहे. यात असे म्हले आहे की, महाराष्ट्र लोकसेवा आयोगामार्फत रविवार, ११ एप्रिल २०२१ रोजी नियोजित महाराष्ट्र दुय्यम सेवा अराजपत्रित गट - ब संयुक्त पूर्व परीक्षा - २०२० पुढे ढकलण्यात आली होती. सामान्य प्रशासन विभागाच्या ९ एप्रिल २०२१ च्या पत्रान्वये सूचना प्राप्त झाल्यानंतर ही परीक्षा स्थगित करण्यात आली होती. मात्र आता आपत्ती व्यवस्थापन विभाग, मदत व पुनर्वसन, महसूल व वन विभाग यांच्याकडून ३ ऑगस्ट २०२१ रोजी आलेल्या पत्रातील अभिप्रायानुसार ही परीक्षा शनिवार ४ सप्टेंबर २०२१ रोजी आयोजित घेण्यात येईल. ही परीक्षा ११ एप्रिल २०२१ रोजी होणार होती, मात्र कोविड विषाणू महामारीच्या पार्श्वभूमीवर पुढे ढकलण्यात आली होती. MPSC Admit 2021: प्रवेशपत्र असे करा डाऊनलोड प्रवेशपत्र डाउनलोड करण्यासाठी, उमेदवारांनी प्रथम महाराष्ट्र लोकसेवा आयोगाच्या अधिकृत वेबसाइट mpsconline.gov.in ला भेट द्या. होमपेजवर असलेल्या Admit Card Download या लिंकवर क्लिक करा. मोबाईल नंबर/ईमेल आयडी/अर्ज आयडी/आधार क्रमांक डाउनलोड करण्यासाठी शेवटची तारीख यासारखी महत्वाची माहिती भरा. लॉगिनवर क्लिक करा. महाराष्ट्र दुय्यम सेवा अराजपत्रित गट - ब संयुक्त पूर्व परीक्षा प्रवेशपत्र समोर दिसेल. भविष्यातील उपयोगासाठी प्रवेशपत्राची प्रिंटआऊट काढा उमेदवारांना प्रवेशपत्राशिवाय परीक्षाकेंद्रावर प्रवेश मिळणार नाही. तसेच उमेदवारांना आपले ओळखपत्र सोबत न्यावे लागेल. त्याशिवाय परीक्षेत बसण्याची परवानगी दिली जाणार नाही. आयोगाने असेही म्हटले आहे की, कोविड विषाणू प्रादुर्भावाच्या स्थितीच्या संदर्भात शासनाकडून वेळोवेळी राबविण्यात येणाऱ्या उपाययोजना लक्षात घेऊन परीक्षेच्या आयोजनाच्या अनुषंगाने आयोग वेळोवेळी आढावा घेईल. तसेच याबाबतची माहिती आयोगाच्या वेबसाइटवर प्रसिद्ध करण्यात येईल. यामुळे आयोगाची वेबसाइट नियमितपणे पाहण्याचे आवाहनदेखील उमेदवारांना करण्यात आले आहे.

from Career News in Marathi: Career News, मराठी Career बातम्या | Maharashtra Times https://ift.tt/2UPHeSz
via IFTTT