Government job 2021: लोकसभा सचिवालयात भरती, १ लाखापर्यंत मिळेल पगार

LokSabha Secretariat : लोकसभा सचिवालयाअंतर्गत (LokSabha Secretariat) अंतर्गत विविध पदांची भरती केली जाणार आहे. या भरतीसाठी अधिकृत वेबसाइटवर नोटिफिकेशन प्रसिद्ध करण्यात आले असून पदासाठी लागणारी शैक्षणिक आर्हता, वयोमर्यादा, अनुभव, पगार यांचा तपशील देण्यात आला आहे. या पदांसाठी ऑफलाइन माध्यमातून अर्ज मागविण्यात येत आहेत. लोकसभा सचिवालयाअंतर्गत सुरक्षा सहाय्यक ग्रेड- II (तांत्रिक) पदाच्या एकूण १० रिक्त जागा भरण्यात येणार आहेत. सेंट्रल/स्टेट पोलीस ऑर्गनायझेशन/कॅबिनेट सेक्रेटरिएट/इंटेलिजेंट्स ब्युरो याठिकाणी कामाचा अनुभव असलेल्यांना पदभरतीमध्ये प्राधान्य देण्यात येणार आहे. पे मॅट्रीक्स लेव्हल ६ किंवा पे मॅट्रीक्स लेव्हल ५ आणि ५ वर्षांचा कामाचा अनुभव असलेला अधिकारी यासाठी अर्ज करु शकतो. किंवा पे मॅट्रीक्स लेव्हल ५ , लेव्हल ४ आणि लेव्हल ३ असा एकत्र १० वर्षांचा अनुभव असणे गरजेचे आहे. ही भरती ३ वर्षाच्या कालावधीसाठी असणार आहे. पदाची गरज ओळखून हा कालावधी ७ वर्षांपर्यंत वाढविला जाऊ शकतो. टेक्निकल अनुभव इंस्टॉलेशन, मायक्रोप्रोसेसर बेस्ड कंट्रोल सिस्टिम, सीसीटीव्ही सिस्टिम, कॉम्प्युटर कंट्रोल रेडिओ कम्युनिकेशन सिस्टिम, इलेक्ट्रॉनिक्स इंस्ट्रुमेंट्स, लेटेस्ट कॉम्प्युटर ऑपरेटींग सिस्टिम यापैकी टेक्निकल अनुभव असणे गरजेचे आहे. पगार या पदासाठी निवड झालेल्या उमेदवारास ३५ हजार ४०० ते १ लाख १२ हजार ४०० रुपये पगार दिला जाणार आहे. अर्जासाठी पत्ता या पदांसाठी इच्छुक आणि पात्र उमेदवार १८ नोव्हेंबर २०२१ पर्यंत अर्ज पाठवू शकतात. पार्लिमेंट हाऊस, नवी दिल्ली ११०००१ या पत्त्यावर आपला अर्ज पाठवायचा आहे. अर्जाचा नमुना नोटिफिकेशनसोबत देण्यात आला आहे. यानुसार उमेदवारांनी अर्ज भरायचा आहे. अर्ज भरण्यापुर्वी नोटिफिकेशन काळजीपुर्वक वाचणे गरजेचे आहे. अर्जामध्ये काही त्रुटी असल्यास आणि दिलेल्या तारखेनंतर आल्यास अर्ज बाद करण्यात येईल.

from Career News in Marathi: Career News, मराठी Career बातम्या | Maharashtra Times https://ift.tt/3ng8L9L
via IFTTT