सीबीएसई बोर्डाच्या दहावी, बारावी परीक्षा शनिवारपासून

नवी दिल्ली: सीबीएसई बोर्डाच्या दहावी आणि बारावीच्या परीक्षा शनिवारी १५ फेब्रुवारीपासून सुरू होत आहेत. दहावीची परीक्षा २० मार्च तर बारावीची परीक्षा ३० मार्चपर्यंत सुरू राहणार आहे. यावर्षीपासून मुलांच्या निकालावर Fail किंवा कंपार्टमेंट हा शब्द न लिहिण्यावर विचार सुरू आहे. जे विद्यार्थी एक किंवा दोन विषयात अनुत्तीर्ण होतात, त्यांना कंपार्टमेंटल परीक्षा द्यावी लागते. पण यापुढे निकालावर तसे नमूद करण्याचा विचार बोर्ड करत आहे. दरम्यान, शनिवारी होणाऱ्या परीक्षेसाठी विद्यार्थ्यांनी काय काळजी घ्यावी ते पाहा... परीक्षेला जाण्यापूर्वी 'ही' काळजी घ्या : > हॉलतिकिट किंवा अॅडमिट कार्ड विसरू नका. > परीक्षा केंद्रावर नियोजित वेळेआधी ३० ते ४० मिनिटे अगोदर पोहोचा. > परीक्षा केंद्रावर आपल्या जागेवर बसण्यापूर्वी आजूबाजूला कोणता कागदाचा तुकडा वगैरे तर नाही ना पडला हे नीट तपासून घ्या. > इलेक्ट्रॉनिक्स गॅजेट्स परीक्षा केंद्रात घेऊन जाण्यास सक्त मनाई आहे. > हॉल तिकिटाची एक फोटोकॉपी घरी जरूर ठेवा. ------------ मागील वर्षी कसा होता निकाल? २०१९ मध्ये सीबीएसई दहावीत ९१.१ टक्के विद्यार्थी उत्तीर्ण झाले होते. एकूण १८,२७,४७२ विद्यार्थ्यांनी दहावीची परीक्षा दिली होती. २०१९ मध्ये सीबीएसई बारावीत ८३.४ टक्के विद्यार्थी उत्तीर्ण झाले होते.

from Career News in Marathi: Career News, मराठी Career बातम्या | Maharashtra Times https://ift.tt/2OUGOnD
via IFTTT