JEE Main Result 2021: जेईई मेन फेब्रुवारी सत्राचा निकाल जाहीर

म. टा. प्रतिनिधी, मुंबई आयआयटीसह इतर इंजिनीअरिंग संस्थांमधील प्रवेशासाठी देशपातळीवर नॅशनल टेस्टिंग एजन्सीतर्फे घेण्यात आलेल्या जेईई मेन परीक्षेचा निकाल सोमवारी जाहीर करण्यात आला. फेब्रुवारीमध्ये घेण्यात आलेल्या या परीक्षेत देशभरातून सहा लाख ५२ हजार विद़यार्थी ६२६ विद़यार्थ्यांनी परीक्षा दिली. त्यात सहा जणांना शंभर टक्के पर्सेंटाइल मिळाले. परीक्षेत राज्यस्थानचा साकेत झा देशात पहिला आला आहे. सिद्धांत मुखर्जी हा महाराष्ट्रातून पहिला तर देशात पाचवा आहे. करोनाच्या पार्श्वभूमीवर जेईई मेन्स परीक्षा प्रथमच चार वेळा घेण्यात येणार आहे. त्यातील फेब्रुवारीमध्ये घेण्यात आलेल्या परीक्षेचा निकाल जाहीर करण्यात आला. ३३१ शहरातून ही परीक्षा घेण्यात आली होती. त्यात नऊ केंद्र ही बाहेर देशातील आहेत. या परीक्षेत सहा विद्यार्थ्यांचा शंभर पर्सेंटाइल स्कोअर आला. यामध्ये राज्यस्थानचा साकेत झा, चंदिगडचा गुरुमित सिंग, महाराष्ट्राचा सिद्धांत मुखर्जी, गुजरातचा अनंत किडांबी, दिल्लीचा रंजीम दास आणि प्रवर कटारिया यांचा समावेश आहे. ९९ पर्सेंटाइल असलेल्या विद़यार्थ्यांची संख्या ४१ एवढी आहे. राज्यातील अर्णव कलगुटकर हा दिव्यांग गटातून राज्यत पहिला तर देशात दुसरा आला आहे. चार ट्रान्सजेंडर विद्यार्थीही परीक्षेला बसले होते. ही परीक्षा २३, २४, २५ आणि २६ फेब्रुवारीला घेण्यात आली. देशातील विविध परीक्षा केंद्रांवर ही परीक्षा आयोजित करण्यात आली होती. या परीक्षेमध्ये देशभरातील सहा लाख ६१ हजार ७७६ विद्यार्थी बसले होते. नॅशनल टेस्टिंग एजन्सीनं दिलेल्या माहितीनुसार ९५ टक्के विद्यार्थ्यांनी परीक्षा दिली होती.

from Career News in Marathi: Career News, मराठी Career बातम्या | Maharashtra Times https://ift.tt/3eqU557
via IFTTT