Happiness Class मेलानिया ट्रम्प यांची हॅपीनेस क्लासला भेट

नवी : अमेरिकेचे राष्ट्राध्यक्ष डोनाल्ड ट्रम्प सहकुटुंब भारत दौऱ्यावर आहेत. त्यांच्या पत्नी यांनी दिल्लीच्या नानकपुरा भागातील एका सरकारी शाळेला भेट दिली. मेलिनिया यांचे शाळेच्या गेटवरच मुलांनी कपाळावर टिळा लावून स्वागत केले. आर के पुरम येथील सर्वोदय सहशिक्षा वरिष्ठ माध्यमिक विद्यालयातील '' पाहण्यासाठी खास मेलानिया आल्या होत्या. मेलानिया यांच्या या दौऱ्यावर दिल्लीचे मुख्यमंत्री अरविंद केजरीवाल यांनी आनंद व्यक्त केला आहे. त्यांनी तसे ट्विट केले आहे. मेलानिया यांच्या या भेटीच्या पार्श्वभूमीवर येथे मोठा पोलीस बंदोबस्त तैनात ठेवण्यात आला आहे. नेमका काय आहे हॅपीनेस क्लास? दिल्लीच्या सरकारी शाळांमध्ये हा हॅपीनेस तास चालतो. हा तास ४५ मिनिटांचा असतो. दररोज होणाऱ्या या तासिकेत नर्सरीपासून आठवी इयत्तेपर्यंतचे विद्यार्थी असतात. सर्वात आधी मुले ध्यान करतात. येथे कोणत्याही धर्माची प्रार्थना होत नाही. ना कुठले मंत्रपठण वा देवी-देवतांचे पूजन होते. केवळ आपल्या श्वासोच्छवासावर लक्ष केंद्रित केले जाते. विचारांवर लक्ष एकाग्र केले जाते. मुलांचे चित्त यामुळे एकाग्र होते. अभ्यासाकडे लक्ष लागते. मन विचलित होत नाही. कधी सुरू झाला हॅपीनेस क्लास? २०१८ मध्ये दिल्ली सरकारने शाळांमध्ये आठवीपर्यंत हॅपीनेस अभ्यासक्रम सुरू केला. १०२६ शाळामधील ८ लाख विद्यार्थी आणि २१ हजार टीचर्स या अभ्यासक्रमाशी जोडलेले आहेत. या वर्गात मुलांना गोष्टी सांगितल्या जातात, त्यांच्या आकलनाचा, विचार करण्याच्या प्रक्रियेचा सराव केला जातो. मुलांच्या मानसिक विकासाच्या दृष्टीने विशेषत: या तासिकेचा खूप फायदा होतो.

from Career News in Marathi: Career News, मराठी Career बातम्या | Maharashtra Times https://ift.tt/2VmdcUq
via IFTTT