माडिया जमातीतील पहिली महिला डॉक्टर

म. टा. वृत्तसेवा, गडचिरोली ज्या भागात जायला रस्ता नाही, पावसाळ्यात गावाचा संपर्क तुटतो, दहा-दहा दिवस वीज नसते, इंटरनेटची सोय नाही, अशा आदिवासी भागातील माडिया जमातीतील डॉ. कोमल मडावी हिने एमबीबीएसचे शिक्षण पूर्ण करून पहिली होण्याचा मान मिळविला आहे. मनात जिद्द असली, की माणूस आपोआप परिस्थितीवर मात करीत यश संपादन करतो. गडचिरोली जिल्ह्यातील माओवादग्रस्त आणि अतिदुर्गम सिरोंचा तालुक्यातील झिंगानूर येथील कोमल मडावी हिची यशोगाथा समाजाला प्रेरणा देणारी ठरली आहे. झिंगानूर हे गाव गडचिरोली जिल्हा मुख्यालयापासून अडीचशे, तर सिरोंचा तालुका मुख्यालयापासून ६० किमी अंतरावर असलेले आदिवासी, अविकसीत गाव म्हणून ओळखले जाते. येथील शेतकरी असलेले कासा मडावी आणि त्यांची पत्नी असलेली आरोग्यसेविका श्यामला नागुला या दोघांना कोमल आणि पायल या दोन मुली आहेत. या गावात दिवसातून एकदाच बस जाते. पावसाळ्यात बस सेवाही बंद असते. महत्त्वाचे म्हणजे झिंगानूर सारख्या गावात आरोग्याच्या योग्य सोयीसुद्धा नाहीत. अशा भागात या दोन्ही मुलींची आई आरोग्य विभागात कार्यरत असल्यामुळे श्यामला यांना या भागातल्या परिस्थितीची कल्पना होती. त्यामुळे आपल्या मुलींनी बनावे, अशी कोमलच्या आई श्यामला नागुला यांची इच्छा होती. आईच्या इच्छेला कोमलच्या वडिलांची साथ मिळाली. वसंतराव नाईक शासकीय वैद्यकीय महाविद्यालय यवतमाळ येथून तिने एमबीबीएसचे शिक्षण पूर्ण करून डॉक्टरची पदवी घेतली. कोमलची लहान बहिण पायल मडावी हीसुद्धा सध्या नागपूर येथे शासकीय वैद्यकीय महाविद्यालयात एम. बी. बी. एस. द्वितीय वर्षाला शिकत आहे. 'आता डॉ. कोमलने पी. जी. करावे,' अशी इच्छा तिच्या आईने बोलून दाखविली.

from Career News in Marathi: Career News, मराठी Career बातम्या | Maharashtra Times https://ift.tt/2wnWZDI
via IFTTT