'फाइन आर्ट' मधलं करिअर

> आनंद मापुस्कर, मार्गदर्शक दृश्यकला () आणि दृश्य उपयोजित कलेतील विविध विभागांबद्दल मागील लेखाच्या माध्यमातून जाणून घेतलं. प्राचीन काळापासून अस्तित्वात असलेल्या या कलांना सद्यस्थितीची जोड देत अनेक क्षेत्रांमध्ये सामावून घेण्यात आलं आहे. आपल्या विकासाबरोबरच या कलांचाही विकास झाला. चित्रपटांच्या स्पेशल इफेक्टपासून ते मोबाइल अॅपच्या रचनेपर्यंत अनेक संधी निर्माण झाल्या आहेत. जाहिरात एजन्सी, डिझाइन स्टुडिओ, अनिमेशन, कला दिग्दर्शन, सेट डिझायनिंग, स्पेशल इफेक्ट्स आदीसारख्या अनेक क्षेत्रामध्ये करिअर संधी उपलब्ध झाल्या आहेत. दृश्यकला आणि दृश्य उपयोजित विविध अभ्यासक्रमांची माहिती जाणून घेऊ या... ० बॅचलर ऑफ फाइन आर्टस (अप्लाइड आर्टस) अभ्यासक्रमामध्ये पहिल्या वर्षामध्ये हस्तकौशल्यावर भर दिला जातो. कलेचा इतिहास, रंगाचं ज्ञान, विज्ञान, द्विमिताकार (टूडी), त्रिमिताकार (थ्रीडी) आणि रंगांची विविध माध्यमं हाताळणं इत्यादींचा समावेश असतो. स्वाध्यायिका देऊन या विषयाचं प्रात्यक्षिक दिलं जातं. पोस्टर्स तयार करायला दिली जातात. या अभ्यासक्रमामध्ये दृश्य कलेचं उपयोजन (अप्लिकेशन) अपेक्षित आहे. यासाठी समाजशास्त्र आणि मानसशास्त्राचा अभ्यास उपयुक्त ठरतो. कारण यातून काही एक उद्दिष्ट साध्य करायचं असतं. उदा. जाहिरातीद्वारे ग्राहकाला आकर्षित करायचं असतं. या अभ्यासक्रमामध्ये दृश्याची भाषा शिकणं महत्त्वपूर्ण ठरतं. विविध प्रसारमाध्यमांच्या ओळखी यामध्ये करुन दिल्या जातात. जाहिराती करताना या प्रत्येक माध्यमांची बलस्थानं आणि मर्यादा लक्षात घेऊन नियोजन करणं अपेक्षित असतं. कॉपीरायटिंग देखील शिकवलं जातं. विविध चिन्हं, लोगो, डिझाइन करणे हे देखील सध्याच्या युगातील महत्त्वाचं काम आहे. सर्व भाषांच्या पलीकडे जाऊन चिन्हांचीच भाषा मोबाइल आणि इंटरनेट क्रांतीमुळे रुढ होऊ लागली आहे. तिसऱ्या वर्षी फोटोग्राफी, कॅलिग्राफी/टायपोग्राफी, कम्प्युटर ग्राफिक्स, एक्झिबिशन डिसप्ले आणि डिझाइन, इलस्ट्रेशन या पाच वैकल्पिक विषयातून एकाची निवड करायची असते. या विषय निवडीसाठी दुसऱ्या वर्षी प्रत्येकी दोन अशा एकूण दहा स्वाध्यायिका (assignments) दिल्या जातात. चौथ्या वर्षी निवडलेल्या वैकल्पिक विषयामध्ये प्रकल्प (प्रोजेक्ट) करणं हा अभ्यासक्रमाचा भाग असतो. जाहिरातीचे कॅम्पेन, सर्व्हे याचाही अंतिम वर्षाच्या अभ्यासक्रमात समावेश केलेला आहे. हा अभ्यासक्रम पूर्ण केल्यावर विद्यार्थ्यांना जाहिरात एजन्सी, डिझाइन स्टुडिओ, अनिमेशन, कला दिग्दर्शन, सेट डिझायनिंग, स्पेशल इफेक्ट्स आदीसारख्या अनेक क्षेत्रामध्ये करिअर संधी उपलब्ध होतात. ० प्रवेश प्रक्रिया वरील सातही अभ्यासक्रमांसाठी प्रवेश सीईटी मार्फत दिले जातात. प्रवेश परीक्षेत खालील चार विषयांचा समावेश असतो. १) ऑब्जेक्ट ड्रॉइंग प्रॅक्टिकल (कालावधी- १ तास, गुण- ५०) २) डिझाइन प्रॅक्टिकल (कालावधी- १ तास ३० मिनिटं, गुण- ५०) ३) मेमरी ड्रॉइंग प्रॅक्टिकल (कालावधी- १ तास ३० मिनिटं, गुण- ५०) ४) सामान्य ज्ञान (कालावधी- १ तास, गुण- ४०) यामध्ये ४० वस्तुनिष्ठ बहुपर्यायी प्रश्न विचारले जातात. प्रवेश परीक्षेच्या सविस्तर माहितीसाठी ही वेबसाईट पहावी. संस्था आणि अभ्यासक्रम ० जे. जे. स्कूल ऑफ आर्ट, मुंबई •बीएफए (पेंटिंग) •बीएफए (टेक्सटाइल डिझाइन) •बीएफए (इंटिरिअर डेकोरेशन) •बीएफए (शिल्पकला) •बीएफए (मेटल वर्क्स) •बीएफए (सिरॅमिक्स) ० जे. जे. इन्स्टिट्यूट ऑफ अप्लाइड आर्ट, मुंबई •बीएफए (अप्लाइड आर्ट) ० शासकीय कला आणि अभिकल्प (डिझाइन) कॉलेज, नागपूर •बीएफए (अप्लाइड आर्ट) •बीएफए (पेंटिंग) ० शासकीय कला आणि अभिकल्प(डिझाइन) कॉलेज, औरंगाबाद •बीएफए (अप्लाइड आर्ट) •बीएफए (पेंटिंग) •बीएफए (टेक्सटाइल डिझाइन) ० रचना संसद कॉलेज ऑफ अप्लाइड आर्ट अँड क्राफ्ट, मुंबई •बीएफए (अप्लाइड आर्ट) ० बी. एस. बांदेकर कॉलेज ऑफ अप्लाइड आर्ट, सावंतवाडी •बीएफए (अप्लाइड आर्ट) ० डॉ. डी. वाय. पाटील कॉलेज ऑफ अप्लाइड आर्ट अँड क्राफ्ट, पुणे •बीएफए (अप्लाइड आर्ट) ० भारती विद्यापीठाचे कॉलेज ऑफ फाइन आर्ट, पुणे •बीएफए (अप्लाइड आर्ट) ० विवा इन्स्टिट्यूट ऑफ अप्लाइड आर्ट, मुंबई •बीएफए (अप्लाइड आर्ट) पदविका अभ्यासक्रम गव्हर्नमेंट डिप्लोमा इन आर्ट (जीडी आर्ट) दहावीनंतर एक वर्षांचा फाऊंडेशनचा अभ्यासक्रम पूर्ण केल्यानंतर या अभ्यासक्रमाला प्रवेश घेता येतो. याकरिता चित्रकलेची इंटरमिजिएट परीक्षा उत्तीर्ण होणं आवश्यक आहे. जर इंटरमिजिएट परीक्षा उत्तीर्ण नसाल तर दहावीला ड्रॉइंग विषयाचे गुण प्रवेशासाठी ग्राह्य धरले जातात. या अभ्यासक्रमांना फाऊंडेशनच्या गुणांवरून प्रवेश दिला जातो. खालील विषयामध्ये जीडी आर्टचे अभ्यासक्रम उपलब्ध आहेत. १) ड्रॉइंग आणि पेंटिंग (कालावधी ४ वर्ष) २) अप्लाइड आर्ट (कालावधी ४ वर्ष) ३) शिल्पकला आणि प्रतिमानबंध (मॉडेलिंग) (कालावधी ४ वर्ष) ४) टेक्सटाइल डिझाइन (कालावधी २ वर्ष) ५) मेटल वर्क (कालावधी २ वर्ष) ६) सिरॅमिक्स (कालावधी २ वर्ष) ७) इंटिरियर डेकोरेशन (कालावधी २ वर्ष) ड्रॉइंग व पेंटिंग, अप्लाईड आर्ट, शिल्पकला व मॉडेलिंग या अभ्यासक्रमांना बीएफए शिल्पकला समकक्ष दर्जा दिला आहे. हे अभ्यासक्रम ४ शासकीय, ३१ शासकीय अनुदानित, १७२ विनाअनुदानित कॉलेजांमध्ये उपलब्ध आहेत. कॉलेजेस आणि त्यामधील उपलब्ध अभ्यासक्रमांच्या माहितीसाठी कला संचालनालय, महाराष्ट्र राज्य यांची वेबसाइट पहावी. ( )

from Career News in Marathi: Career News, मराठी Career बातम्या | Maharashtra Times https://ift.tt/3amgg7j
via IFTTT