ऐन मोसमात 'MS-CIT', 'टायपिंग' वर्गांत शुकशुकाट

म. टा. वृत्तसेवा, ठाणे ''मुळे शाळा-कॉलेजांतील क्रमिक अभ्यासाबरोबरच पूरक शिक्षणाच्या वाटाही बंद झाल्या आहेत. मार्च आणि एप्रिल या दोन महिन्यांत दहावी-बारावीच्या परीक्षा संपल्या की बरेचसे विद्यार्थी कम्प्युटरचे प्राथमिक ज्ञान पदरात पाडून घेण्याच्या हेतूने ''चे प्रशिक्षण घेतात. वाणिज्य शाखेची मुले-मुली त्यासोबत 'टॅली' प्रणालीही शिकून घेतात. सरकारी नोकरीतील तृतीय श्रेणीतील कनिष्ठ लिपिकपदासाठी मराठी, इंग्रजी टंकलेखन, लघुलेखन अनिर्वाय असल्याने हे शिकविणाऱ्या संस्थांसाठीही मार्च ते मे महिने व्यवसायाच्या दृष्टीने तेजीचे असतात. मात्र सध्या या सर्व आघाड्यांवर अक्षरश: शुकशुकाट आहे. ठाणे जिल्ह्यात 'एमएससीआयटी'चे प्रशिक्षण देणारी २६० केंद्रे आहेत. दरवर्षी मार्च आणि एप्रिल महिन्यात ठाणे परिसरातून सुमारे ३० हजार विद्यार्थी या प्रशिक्षणासाठी प्रवेश घेतात. सध्या 'करोना'च्या पार्श्वभूमीवर या केंद्रांचे कामकाजही बंद झाले आहे. 'एमएससीआयटी'ची परीक्षा घेणारी 'एमकेसीएल' ही संस्था येत्या एक-दोन दिवसांत 'इरा' नावाचे एक वैशिष्ट्यपूर्ण अ‍ॅप्लिकेशन विद्यार्थ्यांच्या सोयीसाठी आणत आहे. त्या अ‍ॅपच्या माध्यमातून विद्यार्थ्यांना कम्प्युटरचा काही प्रमाणात अभ्यास करता येतील. या प्रशिक्षणात विंडोज-१०, एमएस-ऑफिस, वर्ड, एक्सेल, पॉवर पॉइंट आदी कम्प्युटर प्रणाली कशा वापरायच्या, हे शिकवले जाते. 'एमएससीआयटी'सोबत टॅली, वेब डिझायनिंग, ग्राफिक्स डिझायनिंगचे प्रशिक्षण पूरक शिक्षण म्हणून विद्यार्थी घेतात. लिपिक संवर्गातील सरकारी नोकरी मिळवायची असेल, तर टंकलेखन अनिर्वाय आहे. आता पूर्वीची टंकलेखन यंत्रे कालबाह्य झाली आहेत. त्यामुळे कम्प्युटरवरच टंकलेखन शिकवले जाते. मार्च ते मे दरम्यान ठाणे जिल्ह्यातून दहा हजार उमेदवार टंकलेखन शिकण्यासाठी संबंधित प्रशिक्षण केंद्रात प्रवेश घेतात. एप्रिल महिन्यात त्यांचे परीक्षेचे अर्ज भरले जातात आणि जुलै महिन्यात परीक्षा होते. आता हे सारे वेळापत्रक बिघडणार असल्याची माहिती अंबरनाथ येथील प्रेरणा संगणक प्रशिक्षण केंद्राच्या संचालिका संगीता गुप्ते यांनी दिली.

from Career News in Marathi: Career News, मराठी Career बातम्या | Maharashtra Times https://ift.tt/2QObOXp
via IFTTT