सैन्यदलात भरती व्हायचंय?

मुंबई टाइम्स टीम: सैन्यदलांच्या तिन्ही दलांमध्ये अधिकारी होण्याचे विविध मार्ग असतात. या विविध मार्गांनी अधिकारी होण्याआधी उमेदवारांना ‘सर्व्हिस सिलेक्शन बोर्ड’ अर्थात एसएसबी मुलाखतीला सामोरं जावं लागतं. यासंबंधी प्रशिक्षण देण्यासाठी नाशिकच्या छात्रपूर्व प्रशिक्षण केंद्रानं पुढाकार घेतला आहे. नोव्हेंबर महिन्यात झालेल्या राष्ट्रीय संरक्षण अकादमी (एनडीए), नेव्हल अकादमी (एनए) आणि कम्बाइन्ड डिफेन्स सर्व्हिसेस (सीडीएस) या तिन्ही परीक्षांचे निकाल लागले असून आता उत्तीर्ण विद्यार्थ्यांना एसएसबी मुलाखतीसाठी निमंत्रण पाठवण्याची प्रक्रिया सुरु आहे. पण एसएसबी मुलाखतीचा कॉल आल्यानंतर नेमकं करायचं काय, त्याची तयारी कशी करायची, याबाबत विद्यार्थ्यांना माहिती नसते. यासाठी विद्यार्थ्यांना तयार करण्याच्यादृष्टीनं छात्रपूर्व प्रशिक्षण केंद्रानं पुढाकार घेतला आहे. त्यासाठीचे प्रशिक्षण १७ मार्च ते २६ मार्चदरम्यान दिलं जाणार आहे. यादरम्यान प्रशिक्षणार्थींची निवास, भोजन आणि प्रशिक्षणाची सोय नि:शुल्क असेल. वरील तीन परीक्षांखेरीज एनसीसी ‘सी’ प्रमाणपत्र ‘अ’ किंवा ‘ब’ श्रेणीत उत्तीर्ण झालेले, तांत्रिक पदवी अभ्यासक्रमाचे (टीजीसी) आणि विद्यापीठ प्रवेश योजनेतील (यूईएस) विद्यार्थी-विद्यार्थिनीही या प्रशिक्षणात सहभागी होऊ शकतात. पण संबंधित उमेदवाराकडे एसएसबी मुलाखत कॉल लेटर किंवा एसएसबीसाठी शिफारस केलेल्या यादीत नाव असणं अत्यावश्यक आहे. एनसीसी कॅडेट्सबाबत त्यांच्या ग्रूप मुख्यालयानं त्यांच्या नावाची शिफारस केल्याचं लेखी पत्र असणं आवश्यक आहे. असा करा अर्ज उमेदवारांनी फेसबूक पेजवर Department of Sainik Welfate, Pune (DSW) वर सर्च करुन त्यातील SSB-53 कोर्सचं प्रवेशपत्र आणि त्यासोबत असलेल्या परिशिष्टांची प्रिंट घेऊन ते पूर्ण भरावं. या प्रशिक्षणासाठी वांद्रे पूर्व येथील उपनगर जिल्हा सैनिक कार्यालयात उमेदवारांच्या आज, ६ मार्चला थेट मुलाखती होणार आहेत. मुलाखतीला येताना फेसबूक पेजवरील अर्जासह एसएसबी कॉल लेटर सोबत आणावं.

from Career News in Marathi: Career News, मराठी Career बातम्या | Maharashtra Times https://ift.tt/2IB8yKF
via IFTTT