खगोलशास्त्रात करिअर करायचंय!

विनय जोशी: माझा मुलगा बारावी सायन्सला (बायोलॉजी नाही) आहे. त्याला खगोलशास्त्रात करायचं आहे, त्यासाठी पुढील कुठे घ्यावं आणि रोजगाराच्या संधी कोणत्या? खगोलशास्त्राचा अभ्यास करायचा असेल तर दहावी आणि बारावीमध्ये भौतिकशास्त्र, रसायनशास्त्र, मॅथेमॅटिक्स (पीसीएम) हे विषय घेणं आवश्यक आहे. या विषयात पदव्युत्तर शिक्षण घेण्यासाठी भौतिकशास्त्र, रसायनशास्त्र, मॅथेमॅटिक्स या विषयात बीएससी पदवी किंवा कम्प्युटर सायन्स विषयात बीइ किंवा बीटेक पदवी घेणं आवश्यक आहे. या क्षेत्रात चांगलं करिअर करायचं असेल तर अर्थातच आपल्या आवडीच्या एखाद्या विषयात डॉक्टरेट संपादन केलेली असणं अधिक उपयुक्त ठरतं. खगोलशास्त्राच्या अभ्यासात तुम्ही मिळवलेलं प्राविण्य, पदवी आणि अनुभव याच्या जोरावर नोकरीच्या संधी तुम्हाला खुल्या होतात. संशोधन संस्थात, कॉलेजात आणि विद्यापीठात खगोल संशोधक, प्राध्यापक,, शिक्षक म्हणून नोकरीच्या संधी उपलब्ध असतात. या क्षेत्रात दीर्घकाळ काम करून निवृत्त झाल्यानंतरही एखाद्या तारांगणात किंवा विज्ञान केंद्रात संशोधक म्हणून तुम्ही काम करू शकता. अवकाशाची गुपितं लहान मुलांना सहज सोप्या भाषेत समजावून सांगू शकता किंवा अशाच स्वरूपाची शास्त्रीय पुस्तकं, विज्ञानकथा लिहू शकता. या शेत्रात आंतरराष्ट्रीय पातळीवरही संधी उपलब्ध आहेत. अवकाशाच्या अभ्यासात जागतिक पातळीवर आघाडीवर असलेल्या नॅशनल एअरॉनॉटिकल अँड स्पेस अँडमिनिस्ट्रेशन म्हणजेच नासा या संस्थेत भारतीय विद्यार्थ्यांना आणि संशोधकांना प्राधान्य दिलं जातं. नासामध्ये ज्या विषयांवर संशोधन केलं जातं अशा काही विषयात तुम्ही अभ्यास केलेला असेल किंवा पदव्युत्तर शिक्षणात, पीएचडीसाठी तुम्ही हा विषय घेतलेला असेल तर नासामध्ये संधी मिळू शकते. अर्थात, या क्षेत्रात दीर्घकालीन अनुभव असणंही आवश्यक आहेच. माझा मुलगा सध्या बारावी बायफोकॉल सायन्स करत आहे. बारावी नंतर योग्य प्रवेश परीक्षेनंतर केमिकल अभियांत्रिकीमध्ये शिक्षण घ्यायचं आहे. पुढील प्रश्नांची उत्तरे जाणून घेऊ इच्छित आहोतः •- मुंबईतील आणि बाहेरील केमिकल इंजिनीअरिंगच्या प्राधान्यप्राप्त संस्थेविषयी तपशील. •- अभियांत्रिकीनंतर केमिकल अभियांत्रिकीचं भविष्य किंवा व्याप्ती काय असेल किंवा पुढे कशी पावलं उचलणं आवश्यक आहे. •- अभियांत्रिकी पूर्ण झाल्यावर कॅम्पस मुलाखतीत कोणत्या प्रकारच्या कंपन्या येत आहेत. आशा भागवत मुंबई आणि महाराष्ट्रातील संस्थांच्या यादीसाठी डीटीई, महाराष्ट्र वेबसाइटवर लॉग ऑन करा. संस्थांच्या क्रमवारीत विविध शैक्षणिक वेबसाइट्स, मासिकं, वर्तमानपत्रं इत्यादींचा संदर्भ घ्या. रासायनिक अभियंत्यांना विद्यापीठं, सल्लागार कंपन्या, अभियांत्रिकी संस्था, खनिजांवर आधारित उद्योग, पेट्रोकेमिकल प्लांट्स, सिंथेटिक फायबर उद्योग, फूड प्रोसेसिंग युनिट्स, स्फोटक उत्पादन उद्योग, खत उद्योग, प्लास्टिक उद्योग, पेट्रोलियम रिफायनिंग प्लांट्स, फार्मास्यूटिकल्स, कायदा कार्यालयं, सरकारी संस्था आणि इतर अनेक प्रकारच्या नोकऱ्या उपलब्ध आहेत. तसंच इलेक्ट्रॉनिक्स, फोटोग्राफिक उपकरणं, कपडे, लगदा आणि कागद तयार करणाऱ्या रसायन उत्पादनाच्या व्यतिरिक्त इतर विविध उद्योगातही कार्यरत आहेत. कॉलेजांमध्ये कॅम्पस मुलाखतीसाठी भेट देणाऱ्या कंपन्या वर्षानुवर्षे बदलत असतात.

from Career News in Marathi: Career News, मराठी Career बातम्या | Maharashtra Times https://ift.tt/38auhDv
via IFTTT