देशाच्या संसदेत इंटर्नशीपची संधी! मिळणार २० हजार

नवी दिल्ली: बहुतांश तरुणांचं स्वप्न असतं की त्यांना सरकारी नोकरी मिळावी. तसे त्यांचे प्रयत्नही सुरू असतात. म्हणूनच इंटर्नशीपची ही संधी अशा तरुणांना फायद्याची ठरणार आहे. या इंटर्नशीपनिमित्त चक्क देशाची संसद पाहण्याची संधी चालून आली आहे. संसदेत इंटर्नशीपसाठी अर्ज मागवण्यात आले आहेत. या इंटर्नशीपमध्ये तुम्हाला देशाच्या संसदेचं कामकाज पाहण्याची आणि तेथे काम करण्याची संधी मिळणार आहे. केंद्र सरकारने राज्यसभेत इंटर्नशीप प्रोग्राम सुरू केला आहे. त्याअंतर्गत अर्ज मागवण्यात आले आहेत. कोण करू शकतं अर्ज? या इंटर्नशीपसाठी उमेदवारांकडून कुठली विशिष्ट अर्हता आवश्यक नाही. तुम्ही भारतात पदवी किंवा पदव्युत्तर शिक्षण घेत असाल तर तुम्ही ही इंटर्नशीप करू शकाल. कसा करायचा अर्ज? राज्यसभा इंटर्नशीप २०२० साठी अर्ज करण्याची अंतिम मुदत ३१ मार्च २०२० आहे. अर्ज ऑफलाइन पद्धतीने करायवयाचा आहे. यासाठीचा अर्ज तुम्हाला राज्यसभेच्या संकेतस्थळावरून डाउनलोड करून घेता येईल. तुम्हाला संकेतस्थळावर दिलेल्या पत्त्यावर किंवा ई-मेलवर ३१ मार्च २०२० पर्यंत अर्ज करायचा आहे. अर्ज करायचा पत्ता - एसडी नॉटियाल, जॉइंट सेक्रेटरी, राज्यसभा सेक्रेटरिएट, रुम नं. ५१७, पाचवा मजला, पार्लियामेंट हाऊस एनेक्स, नवी ११०००१ ईमेल - rssei.rsrs@sansad.nic.in कधी होणार इंटर्नशीप? ही इंटर्नशीप उन्हाळ्याच्या सुट्टीत होणार आहे. दोन महिन्यांच्या या कालावधीत ही इंटर्नशीप होईल. उमेदवारांनी प्रति महिना दहा हजार रुपये स्टायपेंड मिळणार आहे. इंटर्नशीप पूर्ण झाल्यावर भारत सरकारकडून तुम्हाला सर्टिफिकेट देखील मिळणार आहे.

from Career News in Marathi: Career News, मराठी Career बातम्या | Maharashtra Times https://ift.tt/2QuR1bb
via IFTTT