करोना लॉकडाऊन: MHT-CET परीक्षा पुढे ढकलली

मुंबई: पंतप्रधान नरेंद्र मोदी यांनी व्हायरसच्या पार्श्वभूमीवर खबरदारी म्हणून देश पुढील २१ दिवस म्हणजे १५ एप्रिलपर्यंत लॉकडाऊन होत असल्याची घोषणा केली. या पार्श्वभूमीवर १३ ते २३ एप्रिल या कालावधीत होणारी MHT-CET परीक्षा अनिश्चित काळापर्यंत पुढे ढकलण्यात आली आहे. राज्यातील बी.टेक्. आणि बी.ई. अभ्यासक्रमांसाठी ही प्रवेश परीक्षा घेण्यात येते. राज्यभरातून तब्बल ५ लाखांहून अधिक विद्यार्थी या परीक्षेला बसणार आहेत परीक्षा लांबणीवर पडल्याचे जाहीर करताना पुढील तारीख भविष्यातील परिस्थितीनुसार जाहीर करण्यात येईल असे राज्य सामायिक प्रवेश परीक्षा कक्षाने कळवले आहे. अधिक माहिती या अधिकृत संकेतस्थळावर उपलब्ध आहे. राज्यातील अभियांत्रिकी, औषधनिर्माणशास्त्र, कृषी अभ्यासक्रमांच्या प्रवेशासाठी एमएचटी-सीईटी घेण्यात येते. दरवर्षी पेक्षा यंदा या परीक्षेला १ लाख ११ हजार ६१३ विद्यार्थ्यांची वाढ झाली आहे. तर राज्याबाहेरचे विद्यार्थी १६ हजार ९६२ बसणार आहेत. विद्यार्थी नोंदणी पीसीएम (भौतिकशास्त्र, रसायनशास्त्र, गणित) : २४८६६१ पीसीबी (भौतिकशास्त्र, रसायनशास्त्र, जीवशास्त्र) : २७६२४६ एकूण : ५२४९०७ अधिक माहितीसाठी

from Career News in Marathi: Career News, मराठी Career बातम्या | Maharashtra Times https://ift.tt/3bsc3iR
via IFTTT