UGC NET 2020 परीक्षेसाठी अर्ज भरायला सुरूवात

नवी दिल्ली: आणि सीएसआयआर यूजीसी नेट परीक्षेसाठी आज सोमवार १६ मार्चपासून ऑनलाइन अर्ज भरण्याची प्रक्रिया सुरू झाली आहे. परीक्षेशी संबंधित माहितीपत्रक थोड्याच वेळात संकेतस्थळावर उपलब्ध होणार आहे. ही माहिती एनटीएची अधिकृत वेबसाइट csirnet.nta.nic.in आणि ugcnet.nta.nic.in यावरूनही पाहता येईल. देशातील विद्यापीठांमध्ये आणि महाविद्यालयांमध्ये ज्युनिअर रिसर्च फेलोशीप आणि लेक्चरशीप / असिस्टंट प्रोफेसरसाठी पात्र होण्यासाठी ही परीक्षा द्यावी लागते. यूजीसी नेट परीक्षएचं आयोजन १५ जून ते २० जून २०२० पर्यंत केलं जाणार आहे. परीक्षेत दोन पेपर असतील. पहिला पेपर १०० गुणांचा असेल, यात ५० प्रश्न असतील. दुसरा पेपर २०० गुणांच्या १०० प्रश्नांचा असेल. हे पेपर दोन सत्रात होतील. पहिलं सत्र सकाळी ९.३० ते दुपारी १२.३० पर्यंत असेल तर दुसरं सत्र दुपारी २.३० ते सायंकाळी ५.३० पर्यंत असेल. यूजीसी नेट परीक्षेसाठी अर्ज १६ मार्च ते १६ एप्रिल २०२० या कालावधीत करता येतील. शुल्क भरण्याची अंतिम मुदत १७ एप्रिल रात्री ११.५० पर्यंत असेल. याचप्रकारे Exam June 2020 २१ जून २०२० रोजी होणार आहे. या परीक्षेसाठी उमेदवारांना १६ मार्च ते १५ एप्रिल २०२० पर्यंत अर्ज भरता येतील. शुल्क १६ एप्रिल पर्यंत भरता येईल. ही परीक्षा देखील दोन पेपरची असून दोन सत्रांत होईल. पहिलं सत्र सकाळी ९.३० ते दुपारी १२.३० पर्यंत असेल तर दुसरं सत्र दुपारी २.३० ते सायंकाळी ५.३० पर्यंत असेल.

from Career News in Marathi: Career News, मराठी Career बातम्या | Maharashtra Times https://ift.tt/2xGYpd2
via IFTTT