अॅप्लिकेशन प्रोग्रामर बना; लाखो कमवा

संगणक आणि इलेक्ट्रॉनिक डिव्हाइसमध्ये वापरल्या जाणाऱ्या सॉफ्टवेअरसाठी कोड लिहितो. तो अॅप्लिकेशनचं परीक्षण आणि मूल्यांकनही करतो. तो अॅप्लिकेशनला यूजर फ्रेंडली बनवण्यासाठी त्यात बदल करतो. ग्राहकांच्या गरजेनुसार सॉफ्टवेअर आणि ट्रेनिंग मॅन्युअल्स तयार करण्याचं काम अॅप्लिकेशन प्रोग्रामर करतात. ते यूजर्सना ट्रेनिंगही देतात. पात्रता या क्षेत्रात जाण्यासाठी तुमच्याकडे संगणक विज्ञान पदवी किंवा इतर आयटी डिग्री असणे आवश्यक आहे. तसेच प्रोग्रामिक कौशल्यांवर आणि सॉफ्टवेअर तयार करण्याशी संबंधित मूलभूत गोष्टींवर मजबूत पकड असावी लागते. जावासारख्या प्रोग्रामिंग भाषेविषयी आणि सामान्य सॉफ्टवेअर विषयीदेखील माहिती असणे आवश्यक आहे. अल्गोरिदमबद्दल देखील चांगली माहिती हवी. याव्यतिरिक्त, चांगली मौखिक आणि लिखित संवाद कौशल्ये देखील असावीत. वेतन भारतात अ‍ॅप्लिकेशन प्रोग्रामरचा पगार १.२३ लाखांपासून ते ११ लाख रुपयांपर्यंत असू शकतो. कंपनी-कंपनीनुसार कामाचे वातावरण आणि इतर सुविधा मिळतात. कुठे मिळते नोकरी? * संगणक व आयटी सल्लागार कंपनी * अभियांत्रिकी कंपनी * सेवा उद्योग * आर्थिक संस्था * टेलिकॉम कंपन्या * टूर आणि ट्रॅव्हल संबंधित कंपन्या आधी सॉफ्टवेअर ट्रेनी किंवा टेक्निकल असोसिएट म्हणून नोकरी करावी लागते. जॉइनिंगनंतर तुम्हाला कॉम्प्युटर लँग्वेज आणि फंडामेंटल्समधील ट्रेनिंग दिलं जातं. नंतर अनुभव घेत घेत तुम्ही ज्युनिअर सॉफ्टवेअर इंजिनीअर, सिनीअर सॉफ्टवेअर इंजिनीअर, टेक्निकल अॅनालिस्ट आणि नंतर टीम लीडर बनू शकता. पुढे आणखी प्रगती केल्यावर तुम्ही प्रोजेक्ट मॅनेजर आणि डिलीव्हरी मॅनेजर बनू शकता. कोणकोणती कामे? - बिझनेस युनिट्ससाठी सॉफ्टवेअर अॅप्लिकेशन तयार करणं, त्याची देखरेख, परीक्षण करणं - बिझनेसशी संबंधित विविध अॅप्लिकेशन डिझाइन बनवणे, त्यांना तयार करणं आणि कार्यान्वित करणं - विशिष्ट उपक्रम आणि प्रकल्पांची अंमलबजावणी - सॉफ्टवेअर अप्लिकेशन कार्यान्वित करणं - प्रोजेक्टच्या बजेटच्या मर्यादेत राहून काम करण्याचे निर्देश देणे, मार्गदर्शन व नेतृत्व करणे - प्रकल्प वेळेत पूर्ण होईल हे पाहणे - डेटा माइग्रेशन किंवा डेटा इंटरफेस प्रक्रियेची रचना आणि अंमलबजावणी करणे

from Career News in Marathi: Career News, मराठी Career बातम्या | Maharashtra Times https://ift.tt/3bnzKt6
via IFTTT